આજે વર્ષની પહેલી શનૈશ્વરી અમાસ, શનિ દોષથી મુક્તિ મેળવવાનો ખાસ દિવસ

વર્ષની પહેલી શનૈશ્વરી અમાસ

હિન્દુ કેલેન્દર અનુસાર દરમહીને કૃષ્ણ પક્ષના 15માં દિવસે અમાસની તિથિ આવે છે. જ્યારે અંગ્રેજી કેલેન્ડર અનુસાર 5મી જાન્યુઆરી 2019એ વર્ષની પહેલી અમાસ છે. શનિવારે આવનારા અમાસની તિથિને શનૈશ્વરી અમાસ કહેવાય છે જેનું ધાર્મિક દ્રષ્ટિએ ખાસ મહત્વ માનવામાં આવે છે. આ વખતને અમાસની ખાસ વાત તે છે કે આજે સૂર્યગ્રહણનું સૂતક પણ લાગવા જઈ રહ્યું છે, પરંતુ તેનો પ્રભાવ ભારત પર નહીં થાય કારણ કે આ ગ્રહણ અહીં નહીં દેખાય….

શનિ મહારાજ સાથે ચાર ગ્રહોનો પ્રસન્ન કરવાની તક

એવામાં શનૈશ્વરી અમાસ પર શનિ મહારાજ સાથે તમે ચાર ગ્રહોને એક સાથે પ્રસન્ન કરી શકો છો કારણ કે આ દિવસ ધન રાશિમાં ઉપસ્થિત શનિ સાથે સૂર્ય, ચંદ્ર, બુધ પણ વિરાજમાન છે. ગ્રહોના આ સંયોગ સાથે શનૈશ્વરી અમાસ પર ધ્રુવ યોગ પણ બની રહ્યો છે જે તમારા દ્વારા કરાયેલા શુભ કાર્યોનું ફળ હંમેશા પ્રદાન કરશે. શનિ મહારાજ સાથે અન્ય ગ્રહોને પ્રસન્ન કરવા માટે પાણીમાં દૂધ, ગોળ, તલ, અડધ મિક્સ કરીને પીપળાના થડને અર્પણ કરો. આ ઉપાય તમે દિવસમાં કોઈપણ સમયે કરી શકો છો. આ ઉપાયથી જે લોકો શનિની દશા, સાડાસાતીના પ્રભાવમાં છે તેમને રાહત મળે છે.

આવી રીતે કરો પૂજા

શનિવાર સવારે સ્નાન કરીને એક સ્થાન પર બેસો. તમે ઈચ્છો તો મંદિરમાં જઈને પણ શનિદેવની પૂજા કરી શકો છો. ઘણી જગ્યાએ માન્યતા છે કે શનિવેદની મૂર્તિ ઘરમાં રાખવામાં નથી આવતી આથી મનમાં જ શનિદેવનું ધ્યાન કરો.

શનિદેવના મંત્રનો જાપ કરો

શનિદેની પૂજા માટે દિવેલનો દીવો પ્રગટાવો અને શનિદેવને વાદળી ફૂલ અર્પણ કરો. રુદ્રાક્ષની માળાથી શનિદેવના મંત્રોનો જાપ કરો. જો તમે 5 માળા સુધી મંત્રોનો જાપ કરશો તો સારું રહેશે. શનિ દેવનો વૈદિત મંત્ર- ઓમ પ્રાં પ્રીં પ્રૌં શઃ શનૈશ્વરાય નમઃ ‘ તમે ઈચ્છો તો શનિ પત્ની મંત્ર અને તાંત્રિક મંત્ર દ્વારા પણ જાપ કરી શકો છો.

પિતૃઓને પ્રસન્ન કરો

દશરથ કૃત શનિ સ્ત્રોતનો પાઠ કરો. 11 વખત પાઠ કરવાનો ઉત્તમ રહેશે. આ અવસર પર પિતૃઓને પ્રસન્ન કરીને પણ આજીવન મુશ્કેલીમાંથી મુક્તિ મેળવી શકો છો. આ માટે પીપળાના વૃક્ષની પૂજા કરીને તેના પાન પર 5 પ્રકારની મીઠાઈ રાખીને પિતૃનું ધ્યાન પૂજન કરો. પિતૃઓને અર્પણ કરેલો પ્રસાદ ઘરે ન લાવવો, પરંતુ પૂજા સ્થળે ઉપસ્થિત લોકોમાં પ્રસાદ વહેંચી દેવો.

from Dharma Adhyatma News in Gujarati: Latest Dharma Adhyatma News, Read Breaking Dharma Adhyatma News on Iamgujarat.com – Page Array – I Am Gujarat http://bit.ly/2VvR3jZ