સિડની ટેસ્ટમેચમાં કુલદિપ યાદવનો કમાલ, આ રીતે ઓસ્ટ્રેલિયાને હંફાવ્યું

કુલદિપની આક્રમક બોલિંગ

સિડનીઃ બોલર કુલદિપ યાદવે ઓસ્ટ્રેલિયામાં પોતાના પ્રથમ ટેસ્ટમાં કમાલ કરી દીધી છે. આ ભારતીય બોલરે ચાર ટેસ્ટમેચની સિરીઝના અંતિમ મેચમાં ઓસ્ટ્રેલિયાના પ્રથમ દાવમાં પાંચ વિકેટ ઝડપી હતી. રવિવારે સિડનીમાં તેણે આક્રમક બોલિંગ કરીને હેઝલવૂડને આઉટ કરવામાં મોટી સફળતા મેળવી હતી. કુલદીપે કુલ 99 રન આપીને ઓસ્ટ્રેલિયા 300 રનમાં બાજી પૂરી કરી દીધી હતી.

અમારા ન્યૂઝ WhatsApp પર મેળવવા માટે અહીં ક્લિક કરો

ભારતના કુલ 322 રન

ભારતે પોતાના દાવમાં કુલ 322 રન ફટકાર્યા હતા અને ઓસ્ટ્રેલિયાને ફોલઓન કર્યું હતું. આ પહેલા કુલદિપે મેચના ચોથા દિવસે કાંગારું ટીમને બીજા દાવમાં મોટો ફટકો આપ્યો હતો. તેથી ઓસ્ટ્રેલિયાના અરમાન પર પાણી ફરી વળ્યું હતું. ઓછી લાઈટ અને વરસાદને કારણે ઓસ્ટ્રેલિયા બીજા દાવમાં 4 ઓવર સુધી જ રમી શકી હતી. જેમાં તે માત્ર 6 રન બનાવીને અટકી ગઈ હતી. કુલદિપના પર્ફોમન્સની વાત કરવામાં આવે તો ટેસ્ટ ક્રિકેટમાં તેણે આ મોકો ઝડપીને બેસ્ટ પર્ફોમ કર્યું છે.

5 મહત્ત્વની વિકેટ

કુલદિપ યાદવે 5 મહત્ત્વની વિકેટ ઝડપીને ઓસ્ટ્રેલિયન ટીમને હંફાવી દીધી હતી. આ પહેલા ગત વર્ષે ઓક્ટોબરમાં તેણે વેસ્ટ ઈન્ડિઝ સામેની મેચમાં રાજકોટના મેદાન પર પાંચ વિકેટ ઝડપી હતી. છેલ્લા 64 વર્ષમાં પ્રથમ વખત એવું બન્યુ છે કે, મહેમાન ટીમના કોઈ લેફ્ટહેન્ડ સ્પિનરે ઓસ્ટ્રેલિયાની પાંચ વિકેટ ઝડપી હોય. આ પહેલા ઈગ્લેન્ડના જોની વાર્ડલે 1955માં સિડનીમાં 79 રન આપીને પાંચ વિકેટ ઝડપી હતી. જોકે, આ મેચનું પરિણામ ડ્રો હતું. 24 વર્ષનો કુલદિપ ઓસ્ટ્રેલિયા ટેસ્ટમાં પાંચ વિકેટ ઝડપનાર છઠ્ઠો ભારતીય ખેલાડી છે.

કોણ કેવી રીતે આઉટ થયું?

કુલદિપે શનિવારે ઉસ્માન ખ્વાજાની પ્રથમ વિકેટ ઝડપી હતી. ત્યાર બાદ તેણે ટ્રેવિસ હેડ અને ટિમ પેનને એ જ દિવસે આઉટ કર્યા હતા. રવિવારે ચોથા દિવસે તેણે પહેલા નાથન લાયન અને
જોશ હેઝલવૂડને પેવેલિયન તરફનો રસ્તો બતાવ્યો હતો. આમ તેણે મહત્ત્વની પાંચ વિકેટ ખેરવી દીધી હતી. જોકે, આ પાંચ વિકેટથી ઓસ્ટ્રેલિયન ટીમને વ્યૂહરચના બગડી ગઈ હતી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2Qow7aJ