પાર્ટીપ્લોટમાં લાગી આગ
સુરતઃ ડુમસ રોડ એરપોર્ટ નજીક આવેલા સુવર્ણ ભૂમી પાર્ટી પ્લોટમાં લગ્નનો કાર્યક્રમ શરૂ થાય તેના થોડા સમય પહેલા જ મંડપ ડેકોરેશનમાં આગ લાગતા કરોડોનું નુકસાન થયું છે. આગા એટલી ગંભીર હતી કે તેના ધૂમાડાના ગોટા દૂર સુધી દેખાતા હતા. આગ પર કાબુ મેળવવા માટે ફાયર બ્રિગેડની 15થી વધુ ગાડી પહોંચી કામગીરી કરી રહી છે.
લગ્ન પહેલા જ આગ ફાટી નીકળી
સુરતના એરપોર્ટ રોડ ઉપર આવેલ આલિશાન એવા સ્વર્ણભુમિ પાર્ટી પ્લોટમા આજે સાંજે કપલના લગ્ન હતા અને બપોરના સમયે ભોજનની વ્યવસ્થા ગોઠવવામાં આવી હતી. લગ્નનો જમણવાર હોઈ પરિવારના તેમજ સંબધી લોકો મંડપની અંદર બેઠા હતા. દરમિયાન એકાએક જ આગ ફાટી નીકળતા લોકોમા દોડદોડી થઈ હતી. આગે જોતજોતામાં મોટું સ્વરૂપ ધારણ કરી લીધું હતું. જોકે સમયસર અંદર રહેલા લોકો બહાર આવી જતા કોઈને ઈજા પહોંચી હોવાની માહિતી હજુ સુધી સામે આવી નથી.
કરોડોનું નુકસાન
ફાયરબ્રિગેડના મતે આગ ગેસ લિકેજને કારણે થઈ હોવાનું માનવામાં આવે છે. સ્વર્ણભૂમિ લગ્ન માટે તૈયાર કરાયેલો લાખોની કિંમતનો સેટ પણ સળગી ગયો હતો. સાથે જ બાજુમાં આવેલા સાકરીયા પાર્ટી પ્લોટમાં પણ આગની અસર થઈ હતી. અને આગના કારણે તેના મંડપને પણ ફાયરબ્રિગેડે તોડી પાડ્યો હતો.
from I Am Gujarat http://bit.ly/2FOyaUN
No comments:
Post a Comment