કેન્સરને કારણે પત્નીએ માથુ મુંડાવ્યું, જુઓ આયુષ્માને શું કોમેન્ટ કરી

કેન્સરથી પીડાઈ રહી છે તાહિરા

સોનાલી બેન્દ્રે બાદ બૉલિવુડ એક્ટર આયુષ્માન ખુરાનાની પત્ની તાહિરા કશ્યપે પણ કેન્સરની સારવાર માટે માથુ મુંડાવી નાંખ્યુ છે. સ્તન કેન્સરનું નિદાન થયુ પછી તાહિરાની હિંમત દાદ માંગી લે તેવી છે. આયુષ્માન અને તાહિરા સતત તેના ફોટોઝ સોશિયલ મીડિયા પર શેર કરતા રહ્યા છે.

અમારા ન્યુઝ WhatsApp પર મેળવવા અહીં ક્લિક કરો

આયુષ્માનનો મળ્યો પૂરેપૂરો સાથ

તાહિરાને બ્રેસ્ટ કેન્સર ડિટેક્ટ થયુ પછી લોકો તેને આ જંગમાં સપોર્ટ કરી રહ્યા છે. તાહિરા એક યોદ્ધાની જેમ પોતાની લડાઈ લડી રહી છે અને તેમાં તેને પતિ આયુષ્માનનો પૂરો સાથ મળી રહી છે. થોડા સમય પહેલા તાહિરાએ છેલ્લી કીમોથેરપીના વિડીયો શેર કર્યા હતા.

બાલ્ડ લૂકનો ફોટો શેર કર્યો

હવે તાહિરાએ નવા ફોટોઝ શેર કર્યા છે જેમાં તે બાલ્ડ લૂકમાં દેખાઈ રહી છે. તેણે લખ્યું છે, “હેલ્લો વર્લ્ડ! મેં ક્યારેય વિચાર્યું નહતું કે હું માથુ મૂંડાવી નાંખીશ. પણ આવુ કરીને મને સારુ લાગી રહ્યું છે.”

આયુષ્માનને કરી આવી કોમેન્ટ

આયુષ્માન ખુરાનાએ આ લૂકમાં પણ પોતાની પત્નીના વખાણ કર્યાં છે. તેણે તાહિરાની પોસ્ટ પર કમેન્ટ કરી Hotty. આયુષ્માન દરેક તબક્કે તેની પત્નીનો હોંસલો વધારતો જોવા મળે છે.

તાહિરા માટે આયુષ્માને રાખ્યું વ્રત

ઉલ્લેખનીય છે કે ગયા વર્ષે કરવા ચૌથ પર આયુષ્માને તાહિરા માટે ઉપવાસ કર્યો હતો. 2018નું વર્ષ આયુષ્માન માટે ઘણું સારુ રહ્યું હતુ. તેની બંને ફિલ્મ અંધાધૂન અને બધાઈ હોએ બોક્સ ઑફિસ પર રેકોર્ડ બ્રેક કમાણી કરી હતી.

બે બાળકો પણ છે

આયુષ્માન અને તાહિરાને બે બાળકો છે: વિરાજવીર અને વરુષ્કા. આયુષ્માને એક ઈન્ટરવ્યુમાં જણાવ્યું હતું કે તાહિરા જેવી બહાદુર અને સ્ટ્રોન્ગ લાઈફ પાર્ટનર મેળવીને તે પોતાની જાતને નસીબદાર માને છે અને તાહિરા તેના માટે પ્રેરણાસ્રોત છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2RR6nZp