પ્રિયંકા અંગે આ એક્ટરે નિકને આપી આવી મહત્વની સલાહ!

એક સમયે હતી શાહિદ-પ્રિયંકાના અફેરની ચર્ચા

એક સમય હતો જ્યારે શાહિદ કપૂર અને પ્રિયંકા ચોપરાનું એકબીજા સાથે નામ જોડવામાં આવ્યું હતું. આ તે વખતની વાત છે જ્યારે બંનેએ ‘કમીને’માં સાથે કામ કર્યું હતું. જોકે, બાદમાં તેમના લિંક-અપની વાતો રફે-દફે થઈ ગઈ. હવે શાહિદ પોતાની મેરિડ લાઈફમાં ખુશ છે અને બે બાળકોનો પિતા છે, જ્યારે પ્રિયંકાએ તાજેતરમાં જ અમેરિકન સિંગર નિક જોનસ સાથે લગ્ન કર્યા છે.

કરણે શાહિદ પાસે માગી નિક માટે સલાહ

પ્રિયંકા શાહિદની કો-સ્ટાર રહી ચૂકી હોવાને લીધે તેના લગ્ન વિશે શાહિદને એક સવાલ પૂછાય તે તો સહજ હતું. આ સપ્તાહે ‘કૉફી વિથ કરણ 6’ના એપિસોડમાં કે એલ રાહુલ અને હાર્દિક પંડ્યા શામેલ થયા. જેવો આ એપિસોડ ખતમ થયો કે તરત આગામી સપ્તાહે આવનારા એપિસોડનો પ્રોમો દેખાયો, જેમાં કરણ શાહિદને પ્રિયંકાના પતિ નિક જોનસને એક સલાહ આપવા વિશે પૂછતો દેખાય છે.

શાહિદે આપી આવી સલાહ

આના પર શાહિદે નિક જોનસને સલાહ આપતા કહ્યું કે, ‘ક્યારેય પોતાના કમિટમેન્ટથી પલટતો નહીં. આખરે તું ઓરિજિનલ દેસી ગર્લ (પ્રિયંકા) સાથે છે.’ આમ તો અમે એ વાત સાથે સહમત છીએ કે, નિકને બીજાવાર પ્રિયંકા જેવી દેસી ગર્લ નહીં મળે. આશા છે કે, નિક શાહિદની આ સલાહને ધ્યાનમાં રાખશે.

ઈશાન સાથે કરણના શોમાં આવશે શાહિદ

‘કૉફી વિથ કરણ 6’ના આગામી એપિસોડમાં શાહિદ પોતાના ભાઈ ઈશાન ખટ્ટક સાથે જોવા મળશે. પ્રોમોમાં દેખાયું કે, શાહિદ ઈશાનને જાહ્વવીના નામથી ચિડવી રહ્યો છે. જાહ્નવી અને ઈશાર કરણની ફિલ્મ ‘ધડક’માં સાથે કરી ચૂક્યા છે. આ જાહ્નવીની ડેબ્યૂ ફિલ્મ હતી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2Rina8w