હૂબહૂ મનમોહન સિંહ અને સોનિયા ગાંધી જેવા દેખાતા કલાકારો કેવી રીતે મળ્યા? જાણીને દંગ રહી જશો

ફિલ્મને લઈને ચર્ચાઃ

આવતા શુક્રવારે રીલીઝ થનારી ડો. મનમોહન સિંહના જીવન આધારિત ચર્ચિત ફિલ્મ ધ એક્સિડેન્ટલ પ્રાઈમ મિનિસ્ટરમાં એવા અનેક પાત્રો જોવા મળે છે જે આજની તારીખે દેશના રાજકારણમાં સક્રિય છે. હવે થોડા જ મહિનામાં લોકસભાની ચૂંટણી પણ આવી રહી છે. આવામાં ફિલ્મ બનાવનારાઓ માટે વાસ્તવિક પાત્રો જેવા જ દેખાતા કલાકારો પસંદ કરવા એ બહુ મોટો પડકાર હતો. ફિલ્મ મેકર્સને કાસ્ટ ફાઈનલ કરવામાં આઠ મહિનાનો સમય લાગી ગયો હતો. ફિલ્મમાં અનુપમ ખેર ભૂતપૂર્વ વડાપ્રધાન ડો. મનમોહન સિંહનો રોલ ભજવી રહ્યા છે.

અમારા ન્યુઝ WhatsApp પર મેળવવા અહીં ક્લિક કરો

કેવી રીતે અનુપમ ખેરને મળ્યો લીડ રોલ?

આ ફિલ્મ વિજય ગુટ્ટેની લેખક તરીકેની પહેલી ફિલ્મ છે. તે સંજય બારુએ 2014માં લખેલા પુસ્તક સાથે અનુપમ ખેરને મળવા ગયા હતા. ફિલ્મ માટે અનુપમ ખેરને ડો. મનમોહન સિંહના રોલમાં એવી રીતે ઢાળવામાં આવ્યા હતા કે અનુપમ ખેર પોતે પણ ચકિત રહી ગયા હતા. વિજયે જણાવ્યું, “અનુપમ તેમનો ચહેરો વિઝ્યુઅલ ઈફેક્ટ્સથી ડો. મનમોહન સિંહના રૂપમાં ઢળતો જોઈને નવાઈ પામી ગયા હતા. તેમણે સ્ક્રીપ્ટ ગમે તો ફિલ્મ કરવાની હા પાડી હતી. મેં તેમને સ્ક્રિપ્ટ મોકલતા પહેલા ત્રણ મહિના તેના પર કામ કર્યું તું. તેમને તે ખૂબ જ પસંદ આવી અને અમને અમારા એક્સિડેન્ટલ પ્રાઈમ મિનિસ્ટર મળી ગયા.”

આ રીતે મળ્યા સોનિયા ગાંધીઃ

સોનિયા ગાંધીના રોલ માટે અભિનેત્રીએ સામેથી ફિલ્મમેકર્સનો સંપર્ક કર્યો હતો. જર્મન એક્ટ્રેસ સુઝએન બર્નેટે એક ભારતીય સાથે લગ્ન કર્યા છે. સોશિયલ મીડિયા પરથી તેમને આ ફિલ્મ વિષે જાણવા મળ્યું હતું. તેમણે પ્રોડ્યુસરને લખ્યું કે તે સોનિયા ગાંધીનું પાત્ર સારી રીતે નિભાવી શકશે.

અક્ષય ખન્નાની કેવી રીતે પસંદગી થઈ?

સંજય બારુના રોલ માટે અક્ષય ખન્નાને સાઈન કરવો થોડો પડકારજનક હતો. વિજયે જણાવ્યું, “અક્ષય ફિલ્મને લઈને ખૂબ જ ઉત્સાહિત હતો પરંતુ તેને કેટલીક ચીજો માટે સમજાવવો પડ્યો હતો.” જો કે બારુ રાજકારણી ન હોવાથી તેમના કેરેક્ટરના દેખાવ સાથે થોડી ઘણી બાંધછોડ કરી શકાય તેમ હતી. લોકોને તે કેવા લાગે છે તેની ખબર નથી આથી તેમના પાત્રમાં ફિલ્મમેકર્સને થોડી છૂટ મળી હતી. વિજયે વધુમાં જણાવ્યું કે અત્યારે ફિલ્મને લઈને જે રાજકીય ચર્ચા અને વિવાદ છેડાયો છે તેમાં ફિલ્મના ક્રિએટિવ પ્રોડ્યુસર હંસલ મહેતા તેને શાંત રાખવાની કોશિશ કરે છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2C2EROM