‘સિમ્બા’ના દમ પર રણવીરે તોડ્યો અક્ષય કુમારનો રેકોર્ડ

બોક્સ ઓફિસ પર 9મા દિવસે ‘સિમ્બા’ની ધમાલ

એક્ટર રણવીર સિંહની લેટેસ્ટ રિલીઝ ફિલ્મ ‘સિમ્બા’ બોક્સ ઓફિસ પર સતત ધમાલ મચાવી રહી છે. ડિરેક્ટર રોહિત શેટ્ટીની આ ફિલ્મે પહેલા 9 દિવસમાં જ લગભગ 170 કરોડ રૂપિયાની કમાણી કરી લીધી છે. આ સાથે રણવીર એક વર્ષમાં સૌથી વધુ કમાણી કરવાના મામલે અક્ષય કુમારથી આગળ નીકળી ગયો છે.

રણવીરે તોડ્યો અક્ષય કુમારનો રેકોર્ડ

રણવીર સિંહથી પહેલા એક વર્ષમાં સૌથી વધારે કમાણી કરવાના મામલે એક્ટર અક્ષય કુમાર બીજા નંબરે હતો. વર્ષ 2012માં સતત 5 રિલીઝ સાથે એક વર્ષમાં 413.22 કરોડ રૂપિયાના બિઝનેસનો રેકોર્ડ અક્ષયે પોતાના નામે કર્યો હતો. બીજી તરફ રણવીર સિંહે ફિલ્મ ‘પદ્માવત’ અને ‘સિમ્બા’ના દમ પર અત્યાર સુધીમાં 466.95 કરોડ રૂપિયાનો બિઝનેસ કરી નાખ્યો છે અને હજુ પણ સિમ્બાની કમાણી ચાલું છે.

દબંગ ખાન લિસ્ટમાં પહેલા સ્થાને

જો વાત પહેલા ક્રમની કરીએ તો સલમાન ખાનનું નામ આવે છે. વર્ષ 2015માં ‘પ્રેમ રતન ધન પાયો’ અને ‘બજરંગી ભાઈજાન’ ફિલ્મે મળીને 530.50 કરોડ રૂપિયાનો બિઝનેસ કર્યો હતો. સલમાન અને રણવીર વચ્ચે સગભગ 70 કરોડ રૂપિયાનું અંતર થઈ ગયું છે. ટ્રેન્ડ એનાલિસ્ટો મુજબ રણવીર સિંહ માટે આ આંકડો પાર કરવો મુશ્કેલ હશે.

હજુ વધી શકે સિમ્બાની કમાણી

તે 526 કરોડ રૂપિયાના આંકડા સુધી પહોંચી શકે છે. આવાનારા વીકેન્ડ્સમાં ‘ઉરી’, ‘ધ એક્સિડેન્ટલ પ્રાઈમ મિનિસ્ટર’, ‘મણિકર્ણિકા- ધ ક્વીન ઓફ ઝાંસી’, ‘ઠાકરે’ અને ‘ચીટ ઈન્ડિયા’ જેવી ફિલ્મો રિલીઝ થવાની છે, જે કારણે સિમ્બાની કમાણી ઓછી થઈ શકે છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2Re6xL1