BPની બીમારીમાં હવે રોમાન્સ કરશે દવાનું કામ, આવું વિચારો તરત આવી જશે કંટ્રોલમાં

બીપીની બીમારી છે તો દવા નહીં પણ આ ઉપાય અજમાવો

વૉશિંગ્ટનઃ જો કોઈને બ્લડ પ્રેશરની બીમારી હોય અને સ્ટ્રેસફુલ પરિસ્થિતિ સામે આવે તો આ સમયે પોતાના રોમેન્ટિક પાર્ટનર અંગે વિચાર કરો જે તમારા બ્લડ પ્રેશરને કંટ્રોલમાં રાખવા મદદ કરશે જાણે કે તે વ્યક્તિ હાલ તમારી પાસે જ હોય અને તેના હોવા માત્રથી તમારું બીપી કંટ્રોલમાં આવીને નોર્મલ થવા લાગશે.

અમારા ન્યૂઝ Whatsapp પર મેળવવા અહીં ક્લિક કરો

થયો એક સર્વે અભ્યાસ

તાજેતરમાં કરવામાં આવેલ એક અભ્યાસ દરમિયાન 102 પાર્ટિસિપેન્ટને ખૂબ જ સ્ટ્રેસફુલ ટાસ્ક આપવામાં આવ્યું હતું. જેમાં તેમને એક પગ ત્રણ ઇંચ જેટલા બરફ જેવા ઠંડા પાણીમાં ડુબાડવાનું કહેવામાં આવ્યું. આ સમયે યુનિવર્સિટી ઓફ એરિઝોનાના સંશોધકોએ આ ભાગ લેનાર વ્યક્તિનું બ્લડપ્રેશર, હાર્ટ રેટ અને તેમાં આવતા ફેરફારને પહેલા, ટાસ્ક દરમિયાન અને ટાસ્ક બાદ નોંધ્યો હતો.

દરેક વ્યક્તિને સોંપાયું કામ અને પછી…

આ ટાસ્ક દરમિયાન ભાગ લેનાર દરેક વ્યક્તિ રોમેન્ટિક રિલેશનશિપમાં હતી. તેમાંથી દરેકને રેન્ડમલી ત્રણ પૈકી એક શરત ટાસ્ક દરમિયાન પૂરી કરવાની કહેવામાં આવ્યું હતું. જેમાં કેટલાક પાર્ટિસિપેન્ટ્સ સાથે તેમના રોમેન્ટિક પાર્ટનરને જ્યારે પ્રયોગ શરુ હોય ત્યારે બાજુમાં બેસાડવામાં આવ્યા હતા તો કેટલાકને તેમના વિશે માનસિક રીતે સાથે હોવાનું વિચારવાનું કહેવામાં આવ્યું હતું. જ્યારે કેટલાકને તેમનો દિવસ કેવો રહ્યો તે અંગે વિચારવા કહેવામાં આવ્યું હતું.

આવ્યું આ પરિણામ

પ્રયોગ દરમિયાન જણાયું કે જેમના પાર્ટનર રુમમાં હતા અથવા તો જેમને પોતાના પાર્ટનર અંગે વિચારવા જણાવાયું હતું તેમનું બ્લડપ્રેશર એવા વ્યક્તિઓ કે જેમને પોતાના દિવસ અંગે વિચારવા જણાવ્યું હતું તેમના કરતા ઘણું નીચે અને કંટ્રોલમાં હતું. જ્યારે ત્રણેય ગ્રુપ વચ્ચે હાર્ટ રેટમાં કોઈ ખાસ ફરેફાર જોવા મળ્યો નહોતો. જે દર્શાવે છે કે બ્લડ પ્રેશર પર પાર્ટનરની હાજરી અથવા તો તેના વિચારોની અસર ખૂબ જ અસરકારક છે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2TmOsHs