Fact Check : પિકનિક પાર્ટીમાં વાઘે કરેલા હુમલાની તસવીરો-વીડિયો પાછળની શું છે હકીકત?

દાવો

ઈન્સ્ટન્ટ મેસેજિંગ એપ વ્હોટ્સએપ પર છેલ્લા ઘણા દિવસોથી એક અફવા ફેલાવાઈ રહી છે. આ અનુસાર, ઓરિસ્સાના દરિંગબાડીમાં એક પિકનિક પાર્ટીમાં વાઘોએ હુમલો કરી દીધો. આની સાથે ઘણી બિભત્સ તસવીરો અને એક વીડિયો શેર કરવામાં આવી રહ્યો છે.

વીડિયોમાં એક વ્યક્તિને વાઘોએ ઘેરી લીધો છે. કેટલાક લોકો બૂમો પાડી રહ્યાં છે અને આ દરમિયાન વાઘ તે વ્યક્તિ પર જોરદાર હુમલો કરી દે છે.

કંપારી છૂટાવી દેનારી તસવીરો અને વીડિયો

આ મેસેજ સાથે કેટલીક કંપારી છૂટાવી દેનારી તસવીરો શેર કરવામાં આવી રહી છે.

શું છે હકીકત?

ઓરિસ્સામાં આ પ્રકારની કોઈ ઘટના બની જ નથી. અસલમાં આ ફેક મેસેજ સાથે જે વીડિયો શેર કરવામાં આવી રહ્યો છે તે બે વર્ષ જૂનો છે અને ચીનના એક પ્રાણી સંગ્રહાલયનો છે. આ ઉપરાંત જે તસવીરો શેર કરવામાં આવી રહી છે જે તે પણ અલગ-અલગ ઘટનાઓની છે.

કેવી રીતે કરી તપાસ?

ટાઈમ્સ ફેક્ટ ચેકએ સૌથી પહેલા Tiger Attack In daringbadi’ સર્ચ કર્યું. રિઝલ્ટમાં સૌથી ઉપર એક આર્ટિકલ મળ્યો. આર્ટિકલનું ટાઈટલ Tiger Scare In Daringbadi છે. આ ખબર અનુસાર, વન અધિકારીઓએ વાઘના હુમલાને અફવા ગણાવી છે અને કોઈપણ વાઘના હુમલાથી ઘાયલ વ્યક્તિને દરિંગબાડીની હોસ્પિટલમાં ભરતી કરાયો નથી.

ક્યાં અને ક્યારનો છે આ વીડિયો?

Man viciously killed by tiger in Chinese zoo after he climbed into enclosure to avoid paying admission fee pic.twitter.com/dNwtiMxFQV

— Trash Cudi (@TrashCudi) February 1, 2017

ત્યારબાદ અમે વાયરલ થઈ રહેલા વીડિયોના ગ્રેબને ગૂગલ પર રિવર્સ સર્ચ કર્યું તો અમને રિઝલ્ટમાં @TrashCudi હેન્ડલથી કરવામાં આવેલી ટ્વીટ મળી. 31 જાન્યુઆરી, 2017ના રોજ કરવામાં આવેલી આ ટ્વીટની સાથે આ વીડિયો પણ પોસ્ટ કરવામાં આવ્યો હતો જે અત્યારે વ્હોટ્સએપ પર વાયરલ થઈ રહ્યો છે. આ વીડિયો અત્યાર સુધી 2 લાાખ 62 હજાર વખત જોવાઈ ચૂક્યો છે અને 7 હજાર લોકો તેને રિટ્વીટ કરી ચૂક્યા છે. ટ્વીટ અનુસાર, આ વીડિયો ચીનના ઝૂનો છે, જ્યાં એક શખસ ટિકિટના પૈસા બચાવવા માટે વાડની બીજી તરફ કૂદી ગયો અને વાઘોએ તેના પર હુમલો કરી દીધો.

આ રીતે પણ કરાઈ તપાસ

આના પછી અમે આ ઘટના સાથે જોડાયેલા કી વર્ડ ગૂગલ પર સર્ચ કર્યા અને ABCનો એક રિપોર્ટ મળ્યો. જોકે, આ ન્યૂઝમાં એટેચ વીડિયો હવે યૂટ્યૂબ પર અવેલેબલ નથી.

વ્હોટ્સએપ પર જે તસવીરોને શેર કરવામાં આવી રહી છે તેમાંથી એકને રિવર્સ ઈમેજમાં સર્ચ કરતા જાણવા મળ્યું કે, તે 7 ફેબ્રુઆરી 2016ના રોજ હિન્દુસ્તાન ટાઈમ્સના એક રિપોર્ટમાં યૂઝ કરવામાં આવી હતી અને HTની જ ફાઈલ ફોટો છે. તો બીજી તરવીર મધ્ય પ્રદેશના બેતુલ જિલ્લાના ઉડદન ગામની છે, જ્યાં ખેતરમાં ઘૂસેલા એક વાઘે મવેશીને શિકાર બનાવવાનો પ્રયત્ન કર્યો હતો.

તારણ

ટાઈમ્સ ફેક્ટ ચેકને પોતાની તપાસમાં નોંધ્યું કે, ઓરિસ્સામાં વાઘોના હુમલાનો વાયરલ મેસેજ જૂઠ્ઠો છે. આ મેસેજ સાથે શેર કરવામાં આવી રહેલો વીડિયો ચીનના ઝૂનો છે.

from Page Array – I Am Gujarat http://bit.ly/2ssKBwX