રાજસ્થાનના બે અરજીકર્તા સાથે બનેલો બનાવ
જયપુર: રાજસ્થાનના હનુમાનગઢના ભાદરા જિલ્લામાં રહેતા વિકાસ ચૌધરી અને મનહોર લાલને આરટીઆઈનો આશ્ચર્યજનક જવાબ મળ્યો. રાજ્ય માહિતી પંચના નિર્દેશ પર મોકલાયેલા આ જવાબમાં બંનેને જે મળ્યું તે ઘણું ચોંકાવનારું હતું. ગામની વિકાસ પરિયોજનાઓને લઈને માંગવામાં આવેલી માહિતીના બદલે જવાબમાં ગ્રામ પંચાયતે તેમને ન્યૂઝ પેપરમાં લપેટેલો જૂનો કોન્ડમ મોકલી દીધો.
અમારા ન્યૂઝ WhatsApp પર મેળવવા અહીં ક્લિક કરો
જવાબમાં મળ્યો જૂના પેપરમાં વિંટાળેલો યૂઝ્ડ કોન્ડમ
રાજસ્થાનના ચાની બદી ગામમાં રહેતા વિકાસ અને મનોહર દિલ્હીમાં રહીને રાજ્ય સિવિલ સેવા પરીક્ષાની તૈયારી કરે છે. ગત વર્ષે 16 એપ્રિલે તેમણે ગ્રામ પંચાયતમાં બે અલગ-અલગ અરજી કરી હતી. તેમાં વર્ષ 2001માં ગામમાં શરૂ થયેલી વિકાસ પરિયોજનાઓની માહિતી માગવામાં આવી હતી. મીડિયા રિપોર્ટસ મુજબ, વિકાસ ચૌધરીએ જણાવ્યું કે, જ્યારે અમે એન્વેલપ ખોલ્યું તો તેમાં એક જૂના પેપરમાં ઉપયોગમાં લેવાઈ ચૂકેલો કોન્ડમ મળ્યો.
ગામના અગ્રણી લોકોની હાજરીમાં ખોલ્યું એન્વેલપ
તેમણે કહ્યું કે, અમે બીજા એન્વેલપને લઈને આશંકિત હતા, એટલે અમે તેને બીડીઓની સામે ખોલવાનો નિર્ણય કર્યો. અમે તેમને ફોન કર્યો અને બધી વાત જણાવી બીજા એન્વેલપને ખોલવા દરમિયાન તેમને અહીં ઉપસ્થિત રહેવા વિનંતી કરી. વિકાસે જણાવ્યું કે, બીડીઓએ તેમની વાત ન માની, તે પછી તેમણે ગામના જ કેટલાક મહત્વના લોકોની સામે રેકોર્ડિંગ ચાલુ રાખી એન્વેલપ ખોલવાનો નિર્ણય કર્યો.
બીજા એન્વેલપમાંથી પણ એ જ વસ્તુ નીકળી
બીજી એન્વેલપમાં પણ એ જ વસ્તુ હતી. બંને અરજીકર્તાઓએ સરકારી સંસ્થાના આ પ્રકારના વર્તન પર સવાલ ઉઠાવતા કહ્યું કે, તેના તેમને માનિસક રીતે ઘણી પરેશાનીનો સામનો કરવો પડ્યો છે. ફરિયાદ બાદ જિલ્લા પરિષદના અધિકારીઓએ કહ્યું છે કે, સરકારી સિસ્ટમમાં ઘૂસીને કોઈ વ્યક્તિએ આ કારનામાને અંજામ આપ્યો છે.
from Page Array – I Am Gujarat http://bit.ly/2Mg4RuH
No comments:
Post a Comment