INDvsAUS: વરસાદે બાજી બગાડી પણ ભારતે ઓસ્ટ્રેલિયામાં સીરિઝ જીતીને રચ્યો ઇતિહાસ

INDvsAUS: ભારતનો સીરિઝ પર કબજો

સિડનીઃ સિડનીમાં ભલે ખરાબ હવામાનના કારણે ભારતે હાથમાં આવેલી જીત ગુમાવવી પડી હોય પણ વિરાટ કોહલી એન્ડ કંપની માટે ઓસ્ટ્રેલિયામાં ઇતિહાસ રચ્યો છે. સોમવારે સિડની ટેસ્ટના પાંચમા દિવસે જ્યારે વરસાદના કારણે અમ્પાયર્સે સ્ટમ્પ્સ કરવાનો નિર્ણય લીધો તેની સાથે જ ભારતે 4 ટ્સ્ટની સીરિઝ પર 2-1થી કબજો કરી લીધો. 1947થી સતત ઓસ્ટ્રેલિયાના પ્રવાસ દરમિયાન ભારતીય ટીમ અહીં કોઈ સીરિઝ જીતી નહોતી શકી. પણ કોહલીની કેપ્ટનશીપમાં ભારતીય ટીમે ઇતિહાસ રચી દીધો.

અમારા ન્યૂઝ Whatsapp પર મેળવવા અહીં ક્લિક કરો

ચેતેશ્વર અને ઋષભની શાનદાર બેટિંગ

ભારતે પોતાના પહેલી ઈનિંગ્સમાં ચેતેશ્વર પુજારા અને ઋષભ પંતના શતકની મદદથી 7 વિકેટ પર 622 રન બનાવીને દાવ ડિકલેર કર્યો હતો. આ પછી કુલદીપ યાદવની પાંચ વિકેટના કારણે ઓસ્ટ્રેલિયાએ પહેલી ઇનિંગ્સમાં 300 રનમાં સમેટાઈ ગઈ. ચેતેશ્વર પુજારાને આ મેચ માટે મેન ઓફ ધ મેચ પસંદ કરવામાં આવ્યો છે.

વરસાદના લીધે મેચ હાથમાંથી ગઈ!

ભારતે 322 રનના વધારે સાથે ઓસ્ટ્રેલિયાને ફોલોઓન આપ્યું. પણ વરસાદના કારણે ઓસ્ટ્રેલિયાને રાહત મળી ગઈ. ભારતનો આ ઓસ્ટ્રેલિયાનો 12મો પ્રવાસ હતો. ભારતે વિદેશ પ્રવાસમાં માત્ર સાઉથ આફ્રીકા સામે જ ટેસ્ટ સીરિઝ નથી જીતી.

ભારતે જીત સાથે રચ્યો ઇતિહાસ

સિડનીમાં વરસાદના કારણે મેચના ચોથા દિવસે બે સેશન્સ અને અંતિમ દિવસે વરસાદના કારણે આખો દિવસ રદ કરવો પડ્યો. જે બાદ સીરિઝ 2-1થી ભારતના નામે રહી. સીરિઝની શરુઆત 6 ડિસેમ્બરથી એડિલેડમાં થઈ હતી. જ્યાં ટીમ ઈન્ડિયાએ 31 રનથી મેચ જીતી લીધી. સીરિઝની બીજી મેચ પર્થમાં રમાઈ હતી જે ઓસ્ટ્રેલિયાના ખાતામાં રહી અને સીરિઝમાં 1-1ની બરાબરી કરી હતી.

મેલબર્નમાં બોક્સિન્ડ ડે ટેસ્ટમાં ભારતીય ટીમ ફરી એક વખત જીત મેળવીને સીરિઝમાં 2-1થી આગળ નીકળી ગઈ. હવે ચોથી ટેસ્ટમાં ઓસ્ટ્રેલિયાએ સીરિઝ બચાવવાનો પ્રયાસ કર્યો જોકે, ભારતીય બેટિંગના જોર સામે ટીમ ટકી શકી નહીં અને આખરે વરસાદના વિઘ્ન વચ્ચે મેચ ડ્રો રહી. હવે ભારત અને ઓસ્ટ્રેલિયા વચ્ચે શરુ થનારી વનડે સીરિઝની શરુઆત પણ સિડનીથી જ થવાની છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2H0wZD7