કોહલીના ‘સામ્રાજ્ય’નો ‘અણમોલ રત્ન’ છે આ ખેલાડીઃ ઈયાન ચેપલ

કોહલી ટીમનો અનમોલ ખેલાડી

સિડનીઃ જાણીતા ઓસ્ટ્રેલિયન સિનિયર ખેલાડી ઈયાન ચેપલે હાલમાં ચાલી રહેલી ઈન્ડિયા-ઓસ્ટ્રેલિયા સિરીઝ પર પ્રતિક્રિયા આપતા ભારતીય ટીમના વખાણ કર્યા હતા. આ સિરીઝમાં રનનો ખડકલો કરનારા ભારતીય ક્રિકેટર ચેતેશ્વર પૂજારાને વિરાટ કોહલીના ‘સામ્રાજ્ય’ના ‘અણમોલ રત્ન’ ગણાવ્યો હતો. ઓસ્ટ્રેલિયા સામેની ટેસ્ટ સિરીઝમાં ચેતેશ્વરે ત્રણ સદી ફટકારી છે. જેણે ભારતની વિજયકુચ જાળવી રાખી છે.

અમારા ન્યૂઝ WhatsApp પર મેળવવા માટે અહીં ક્લિક કરો

પૂજારાએ ઓસ્ટ્રેલિયન બોલરને થકવી દીધા

ચેપલે કહ્યું હતું કે, ચેતેશ્વર પૂજારાએ એકલાએ ઓસ્ટ્રેલિયાના બોલરોને થકવી દીધા છે. આ સિવાય ટીમના બીજા ખેલાડીઓને આક્રમક રમવા માટેની તક આપી છે. પ્રથમ વખત એવું બની રહ્યું છે કે, ભારતીય ટીમ સિરીઝ જીતવા નજીક છે. આવનારા સમયમાં કોહલી ભારતીય ક્રિકેટક્ષેત્રનો બાદશાહ હશે પણ ચેતેશ્વરે સાબિત કરી દીધુ છે કે, તે વફાદાર સહયોગી અને વિરાટને અણમોલ રતન છે. ભારતીય ક્રિકેટ ટીમની જીત સિવાય પણ ચેતેશ્વરનું ડિફેન્સિગ બેટિંગ જોવા મળ્યું છે. ત્રણ સદી ફટકારીને તેણે પોતાનું નામ સિનિયર ખેલાડી સુનિલ ગવાસ્કરની યાદીમાં લખાવી દીધું છે.

1258 બોલનો સામનો કર્યો

ગવાસ્કરે વર્ષ 1977-78માં સારુ એવું પર્ફોમ કર્યું હતું, સાત દાવમાં તેણે કુલ 521 રન બનાવ્યા છે અને 1258 બોલનો સામનો કર્યો છે. સિરીઝ શરૂ થતા પહેલા સમગ્ર ઓસ્ટ્રેલિયા ટીમનું ધ્યાન ટીમના કેપ્ટન વિરાટ પર હતું. જેણે પૂજારાનું કામ સરળ કરી દીધું હતું. એવામાં પૂજારાએ શાનદાર પ્રદર્શન કરીને ઓસ્ટ્રેલિન ખેલાડીઓને હંફાવી દીધા હતા. ઓસ્ટ્રેલિયાના બોલરોના દરેક બોલને પૂજારાએ સામનો કરીને હરીફ ટીમના ખેલાડીઓને નિરાશ કર્યા હતા.

પંતનું પણ બેસ્ટ પર્ફોમન્સ

ચેપલે બેટ્સમેન રિષભ પંતના પણ વખાણ કર્યા હતા. તેણે ઉમેર્યું કે, રિષભ પંતે પણ શાનદાર બેટિંગ કરી છે. મેલબોર્ન ટેસ્ટમાં તેમનામાં મોટો ફેરફાર જોવા મળ્યો હતો. ત્યાર બાદ દર વખતે તેના પર્ફોમન્સમાં એક સુધારો જોવા મળ્યો હતો.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2RxjSgN