KBC કન્ટેસ્ટન્ટે યાદ અપાવડાવ્યું પ્રોમિસ, અમિતાભ બચ્ચનને લખ્યો લેટર

KBCથી બદલાયું લોકોનું જીવન

‘કૌન બનેગા કરોડપતિ’શોથી અનેક લોકોના જીવન બદલી ગયાં છે તો કેટલાક લોકોનું બિગ બીને મળવાનું સપનું પણ પૂરું થયું છે. આવા જ કન્ટેસ્ટન્ટમાંથી એક હોશંગાબાદ જિલ્લાના એન્જિનિયર ફૈઝ મોહમ્મદ ખાને ગત સિઝનમાં બાર લાખ પચાસ હજાર જેટલી રકમ જીતી હતી. આ દરમિયાન અમિતાભ બચ્ચને તેને એક વાયદો કર્યો હતો. જે ફૈઝે ફરીથી તેમને યાદ અપાવ્યો છે.

અમારા ન્યૂઝ Whatsapp પર મેળવવા અહીં ક્લિક કરો

ફૈઝે યાદ અપાવ્યો વાયદો

KBCમાં તે સમયે ફૈઝે અમિતાભ બચ્ચનને એક વિનંતી કરી હતી કે તે પોતાના અવાજમાં નર્મદાની આરતી ગાઈને સંભળાવે. ત્યારે અમિતાભે આ વિનંતીનો સ્વીકાર કર્યો હતો. હવે ફરીથી ફૈઝે તેમને આ વિનંતી યાદ અપાવડાવી છે. ફૈઝે અમિતાભ બચ્ચનના પ્રોડક્શન હાઉસને એક લેટર લખ્યો છે. આ લેટરમાં ફૈઝે રિક્વેસ્ટ કરી છે કે 12 ફેબ્રુઆરી, 2019ના રોજ નર્મદા જયંતી આવી રહી છે તો આ પહેલા અમિતાભ બચ્ચન તેના અવાજમાં ગીત રેકોર્ડ કરીને મોકલે. જેથી ભક્તો તેનો લાભ લઈ શકે. આ લેટર તેણે FB પર પણ પોસ્ટ કર્યો છે.

પ્રોડક્શન હાઉસે આપી ખાતરી

પ્રોડક્શન હાઉસના સ્પોકપર્સને ખાતરી આપી છે કે અમિતાભ બચ્ચન નર્મદા જયંતિ પહેલા આરતી જરુર રેકોર્ડ કરશે. ફૈઝે પોતાના FB પેજ પર એ લેટર પણ પોસ્ટ કર્યો છે. જે તેણે એબીસીએલની ઓફિસમાં આપ્યો છે. નોંધનીય છે કે ફૈઝ 25 સપ્ટેમ્બર 2018ના રોજ ટેલિકાસ્ટ થયેલા એપિસોડમાં 12 લાખ 50 હજાર જીત્યો હતો. ફૈઝ હોશંગાબાદની એક કોલેજમાં આસિસ્ટન્ટ પ્રોફેસર છે.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2Slau0k