TOYOTA ભારતમાં લાવશે સેલ્ફ ચાર્જિંગ ઈલેક્ટ્રિક કાર

ટોયોટા મોટર કંપનીએ બનાવ્યો નવો પ્લાન

નવી દિલ્હીઃ ટોયોટા મોટર ભારતની 10 મોટી કાર કંપનીઓમાંથી એક છે. હવે કંપની પોતાનું માર્કેટ વધારવાની તૈયારી કરી રહી છે. ટોયોટા મોટર હવે પોતાની કારની કિંમત ઘટાડવા પર કામ કરી રહી છે. અમારા સહયોગી સમાચારપત્ર ઈકનોમિક ટાઈમ્સ સાથે ટોયોટા કિર્લોસકર મોટરના એમડી મસાકાઝૂ યોશિમુરા સાથેની વાતચીત દરમિયાન આ વાત સામે આવી.

અમારા ન્યૂઝ Whatsapp પર મેળવવા અહીં ક્લિક કરો

કંપની લાવશે ઈલેક્ટ્રિક કાર

યોશિમુરાએ જણાવ્યું કે ભવિષ્યમાં ભારતમાં ટોયોટાની ઈલેક્ટ્રિક કાર રજૂ કરશે, પરંતુ સેલ્ફ-ચાર્જિંગ વ્હીકલ અથવા હાઈબ્રિડ વ્હીકલ પ્રદૂષણ ઘટાડવા માટે વધારે સારો વિકલ્પ બની રહેશે. ભારતીય માર્કેટમાં પ્રતિસ્પર્ધા અંગે યોશિમુરાએ કહ્યું કે ભારત ખૂબ વધારે કોમ્પિટિશનવાળું માર્કેટ છે. એક દેશમાં અનેક રાજ્ય અને દરેક જગ્યાએ અલગ-અલગ ટેક્સ અને નિયમો વધારે જટિલ બનાવે છે. રાજ્ય-રાજ્યની જરૂરિયાત અલગ-અલગ છે. અમારે ગ્રાહકોની જરૂરિયાતો અને સાવધાનીને જોવી અને સમજવી પડશે.

સુઝુકી-ટોયોટા વચ્ચે પાર્ટનરશિપ

તેમણે કહ્યું કે આ અંગે અમારી ટીમ કામ કરી રહી છે. અમારી સૌથી મોટી પ્રાથમિકતા રહેશે કે ભારતીય ગ્રાહકોની જરૂરિયાતો પર ધ્યાન આપવું. સુઝુકી-ટોયોટાની પાર્ટનરશિપ માત્ર ભારત માટે નથી પરંતુ ગ્લોબલ લેવલ પર તેનો ફાયદો ઉઠાવવામાં આવશે. તેમણે કહ્યું કે નાની કાર માટે તેમનું(સુઝુકી) કોસ્ટ સ્ટ્રક્ચર સારું છે અમારે તે શીખવું જોઈએ. જેના કારણે અમે ભારતીય માર્કેટમાં ઓછી કિંમતે કારનું વેચાણ કરી શકીશું.

સેલ્ફ ચાર્જિંગ ઈલેક્ટ્રિક વ્હીકલ બેસ્ટ

નાની કારો માટે હાઈબ્રિડ એન્જિનને લઈને યોશિમુરાએ કહ્યું કે અમે ટોયોટાની કામમાં તેને નહીં લાવીએ. અમારા પાર્ટનર આ ટેક્નોલોજીનો ઉપયોગ કરી શકે છે. ઈલેક્ટ્રિક કાર માટે તેમણે કહ્યું કે ટોયોટા ઈવી જલદી લોન્ચ થશે. આ ભારતમાં નથી બની પરંતુ જો ઈન્ફ્રાસ્ટ્રક્ચર ડેવલપ થશે તો અમે ભારતમાં જ તેનું ઉત્પાદન કરીશું. અમે સુઝુકી સાથે એક નાની ઈલેક્ટ્રિક કારની યોજના બનાવી રહ્યા છીએ. હાઈબ્રિડ કાર માટે ઈન્ફ્રાસ્ટ્રક્ચરની જરૂર નથી. સેલ્ફ ચાર્જિંગ ઈલેક્ટ્રિક વ્હીકલ ભાર માટે શાનદાર છે.

 

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2CWGaiA