મહિને જો આટલો PF કપાતો હશે તો રિટાયર્મેન્ટ વખતે તમે હશો કરોડપતિ

બેસિક સેલેરીના 12 ટકા PFમાં જાય

પગારદાર વ્યક્તિ માટે PF એ બચત કરવાનો સૌથી સલામત અને સારું એવું વળતર આપતો ઓપ્શન છે. હાલ પીએફમાં 8.55 ટકા વાર્ષિક વ્યાજ મળે છે. જે એફડી કરતા ઘણું વધારે છે. હાલના કાયદા અનુસાર, તમારા બેસિક પગારના 12 ટકા પીએફમાં રોકવા ફરજિયાત છે. તેની સામે તમારા એમ્પ્લોયર પણ પીએફમાં પોતાનો હિસ્સો ઉમેરે છે.

નાની બચત આપશે મોટી રકમ

ઉદાહરણ તરીકે, જો તમારો બેસિક પગાર 15,000 રુપિયા હોય તો તેમાંથી 1800 રુપિયા તમારા પગારમાંથી કપાઈને પીએફમાં જમા થશે. જ્યારે, તમારા એપ્લોયર તરફથી 1800 રુપિયા જમા રુપિયા જમા થશે. જેમાં 1,249 પીએફમાં, અને 541 પેન્શન સ્કીમમાં જશે. આમ કુલ 3600 રુપિયા જેટલી રકમ દર મહિને તમારા પગારમાંથી કપાઈને પીએફ/પેન્શન અકાઉન્ટમાં જમા થશે.

વ્યાજ દર પણ સારો

જો બેસિક પગાર વધુ હોય તો આ રકમ વધુ પણ હોઈ શકે. જેની ચોક્કસ માહિતી તમે તમારી સેલેરી સ્લીપ, અપોઈન્ટ કે અપ્રાઈઝલ લેટર કે પછી ઓનલાઈન પીએફ પાસબુકમાંથી ચેક કરી શકો છો. જેના પર વાર્ષિક વ્યાજ મળે છે. હાલ આ વ્યાજ 8.55 ટકા છે, પરંતુ સરકાર સમયાંતરે તેમાં ફેરફાર કરતી રહે છે.

દર વર્ષે જમા થતું PF પણ વધશે

જો તમે 24 વર્ષની વયે નોકરી ચાલુ કરો, અને તમારો પગાર 15,000 રુપિયા હોય તો તમારા પીએફમાં દર મહિને PFમાં 3,059 રુપિયા જમા થશે, જ્યારે પેન્શનમાં 541 રપિયા જમા થશે. જો આ જ રીતે દર વર્ષે રુપિયા જમા થતા રહે, તો વ્યાજને અને દર વર્ષે તમને મળનારા એવરેજ 9 ટકા ઈન્ક્રીમેન્ટ અને અનુસાર થતી રકમના વધારાને ગણતરીમાં લેતા તમારા અકાઉન્ટમાં 11મા વર્ષે 10.22 લાખ જેટલો પીએફ જમા થઈ ગયો હશે.

જેટલું બેલેન્સ વધશે, તેટલું વ્યાજ પણ વધુ મળશે

આ જ ગણતરીમાં આગળ વધતા જ્યારે તમારી ઉંમર 46 વર્ષની થશે ત્યારે તમારા પીએફ અકાઉન્ટમાં 53 લાખ રુપિયાથી વધુ રકમ જમા થઈ ગઈ હશે. જેટલી રકમ વધુ જમા થશે, તેના પર તમને મળતું વ્યાજ પણ વધતું રહેશે, એટલે કુલ રકમમાં વધારો પણ ઝડપથી થશે અને 52 વર્ષની વયે તમે 1.12 કરોડના બેલેન્સ સાથે કરોડપતિ બની જશો.

રિટાયર્મેન્ટ સુધીમાં 2.28 કરોડ તમારી પાસે હશે

58 વર્ષની રિટાયર્મેન્ટની ઉંમરે આ જ ગતિએ આગળ વધતા તમારી પાસે પીએફમાં 2.28 કરોડ રુપિયા જમા થઈ ગયા હશે, અને પેન્શન સ્કીમનું ફંડ પણ 2.27 લાખ રુપિયા જેટલું હશે. પીએફનો ફાયદો એ છે કે, તેના પર તમને મળતા વ્યાજ કે પછી મેચ્યોરિટીની રકમ ઉપાડવા પર કોઈ ટેક્સ નથી લાગતો.

જોબ બદલો તો પણ વાંધો નથી

એક જ નોકરીમાં 5 વર્ષ થઈ ગયા હોય તો તમે પીએફનો કેટલોક હિસ્સો ઉપાડી શકો છો. તમે ઈચ્છો તો તેના પર લોન પણ લઈ શકો છો. નોકરી વચ્ચેથી છોડવી પડે તો 2 મહિના બાદ પીએફની પૂરેપૂરી રકમ ઉપાડી શકાય છે. હવે UAN નંબર પણ આવી ગયા હોવાથી જોબ બદલો તો પણ એક જ UAN કન્ટિન્યુ રાખી પીએફ ઉપાડ્યા વિના તેને ટ્રાન્સફર કરાવી તેમાં નવી નોકરીનો પીએફ ઉમેરતા રહી શકો છો.

from Page Array – I Am Gujarat http://bit.ly/2VyLIsn