19 વર્ષના ફિલ્મી કરિયરમાં પહેલીવાર પોલીસ બનશે કરીના!

પોલીસ બનશે કરીના કપૂર

કરીના કપૂર પોતાના અત્યાર સુધીના ફિલ્મી કરિયરમાં ઘણા પ્રકારના પાત્રો કરી ચૂકી છે, જેના કારણે તેને દર્શકોને ખૂબ પ્રેમ મળ્યો છે. રિપોર્ટ્સ મુજબ હવે આ એક્ટ્રેસ પોલીસનું પાત્ર ભજવતી જોવા મળશે. જાણકારી મુજબ કરીનાએ ‘હિન્દી મીડિયમ’ની સીક્વલ જેમાં ઈરફાન ખાન લીડ રોલમાં છે, સાઈન કરી લીધી છે. એવું પણ અનુમાન છે કે આ ફિલ્મમાં કરીના લીડ રોલ ભજવતી જોવા મળશે તો એમ પણ કહેવાઈ રહ્યું છે કે ફિલ્મમાં તેનો માત્ર કેમિયો રોલ જોવા મળશે.

19 વર્ષના કરિયરમાં પહેલીવાર બનશે પોલીસ

લેટેસ્ટ રિપોર્ટ્સ મુજબ, હોમી અદજાનિયાની આ ફિલ્મ માટે કરીનાએ મેના અંત સુધીમાં લંડન પહોંચશે અને શૂટિંગ શરૂ કરશે. કહેવાઈ રહ્યું છે કે તેને સ્ક્રિપ્ટ ખૂબ જ પસંદ આવી છે. ખાસ કરીને પોતાના લગભગ 19 વર્ષના કરિયરમાં પહેલીવાર પોલીસકર્મીનો રોલ મળવા પર ખૂબ જ એક્સાઈટેડ છે.

હાલમાં અન્ય ફિલ્મના શૂટિંગમાં વ્યસ્ત

આ સમગ્ર મામલે કરીના કપૂર કે ફિલ્મ મેકર્સ તરફથી કોઈ ઔપચારિક નિવેદન આપવામાં આવ્યું નથી. આ કારણે હાલમાં તેની પુષ્ટિ કરી શકાઈ નથી. કરીના હાલમાં ફિલ્મ ‘ગુડ ન્યૂઝ’ની શૂટિંગમાં વ્યસ્ત છે. જેમાં તેની સાથે અક્ષય કુમાર અને દિલજીત દોસાંજ લીડ રોલમાં છે. આ બાદ તે કરણ જોહરની પીરિયડ ડ્રામા ફિલ્મ ‘તખ્ત’માં જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2U7x4Lz