છેલ્લા 4 વર્ષથી નોકરી શોધી રહ્યો છે કંગનાનો ભાઈ, છતાં બહેન નથી કરી રહી મદદ

કંગનાનો ભાઈ શોધી રહ્યો છે નોકરી

બોલિવૂડ એક્ટ્રેસ કંગના રનૌતની ગણતરી શ્રેષ્ઠ એક્ટ્રેસોમાં થાય છે, તે ઘણીવાર પોતાના નિવેદનોના કારણે ચર્ચામાં રહે છે. હાલમાં જ કંગનાએ જણાવ્યું કે તે પાછલા 4 વર્ષોથી પોતાના ભાઈને મદદ નથી કરી રહી, તે ઈચ્છે તો મદદ કરી શકતી હતી, પરંતુ તેણે આવું ન કર્યું.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સંતાનને પણ નહીં કરે મદદ

હકીકતમાં કંગના હંમેશાથી બોલિવૂડમાં નેપોટિઝમ વિરુદ્ધ બોલતી રહી છે, હાલમાં જ તેને આ મામલા સાથે જોડાયેલો સવાલ પૂછવામાં આવ્યો હતો કે જો આજથી 20 વર્ષ બાદ તેના સંતાન એક્ટર કે ડિરેક્ટર બનવા ઈચ્છે તો શું તે તેમને મદદ કરશે? તેના જવાબમાં કંગનાએ કહ્યું, જો હું તેની મદદ કરું છું તો તેના સારા ડિરેક્ટર બનવાની સંભાવના 50 ટકા ઓછી થઈ જશે. માતા તરીકે જો હું સાચેમાં ચિંતા કરું છું તો હું તેને પોતાનો રસ્તો જાતે જ શોધવા દઈશ, કારણ કે તે કોઈપણ કામ સારી રીતે કરી શકે છે. જો હું ઈચ્છું છું કે તે એક ખાસ વ્યક્તિ બને તો મારે તેને સમુદ્રમાં ફેંકી દેવો જોઈએ, તે ડૂબી જશે અથવા તો બહાર આવી જશે. કંગનાએ કહ્યું ખાસ વ્યક્તિઓ આવી જ રીતે બને છે.

કેમ નથી કરતી ભાઈની મદદ?

કંગનાએ જણાવ્યું કે તેણે પોતાના ભાઈની મદદ નથી કરી. કંગના કહે છે, મારો ભાઈ પાછલા 4 વર્ષથી પાઈલટ બનાવનો પ્રયાસ કરી રહ્યો છે અને નોકરી શોધી રહ્યો છે, મારા એક ફોનથી તેને નોકરી મળી જશે પરંતુ મેં આવું ન કર્યું, હું આવું ક્યારેય નહીં કરું. કંગના કહે છે, મારા ભાઈ પાસે ઘણા ઓપ્શન છે જેમાંથી એક ખેતી કરવાનો છે, અમારા હોમ ટાઉનમાં અમારી ઘણી જમીન છે. કંગના કહે છે, હું જિંદગીને આવી જ રીતે જોવાનું પસંદ કરું છું. મારા માટે કેશ અને ચેક સુધી જિંદગી સીમિત નથી.

‘મેન્ટલ હૈ ક્યા’માં જામશે રાજકુમાર સાથે જોડી

વર્કફ્રંટની વાત કરીએ તો કંગના છેલ્લીવાર ફિલ્મ મણિકર્ણિકામાં જોવા મળી હતી. આ ઉપરાંત તે ‘મેન્ટલ હૈ ક્યા’ ફિલ્મમાં રાજકુમાર સાથે જોવા મળશે. આ સાથે જ તે પંગા ફિલ્મમાં પણ કામ કરશે. જણાવી દઈએ કે કંગના હંમેશાથી નેપોટિઝ્મ વિરુદ્ધ બોલતી રહી છે.

from Page Array – I Am Gujarat https://ift.tt/2FEWqGn