ખેડૂતપુત્રે ફટકાર્યા સતત 7 છગ્ગા, સેલિબ્રેશન માટે એક મળી દિવસની રજા!

યુવરાજને ભૂલાવી દે તેવી ફટકાબાજી

2007ના ટી20 વર્લ્ડકપમાં ભારતના સ્ટાઈલિશ બેટ્સમેન યુવરાજ સિંહે ઈંગ્લેન્ડના સ્ટુઅર્ટ બ્રોડની બોલિંગ 6 બોલમાં 6 છગ્ગા ફટકારી ઈતિહાસ સર્જી દીધો હતો. હવે મુંબઈના એક ક્રિકેટરે મોટું કારનામું કરી બતાવ્યું છે. મુંબઈના રહેવાસી મકરંદ પાટિલે મુંબઈ ક્રિકેટ એસોસિએશનની એક ટૂર્નામેન્ટમાં 7 બોલમાં સતત સાત સિક્સર ફટકારી ખળભળાટ મચાવી દીધો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આઠમા ક્રમે આવી 26 બોલમાં 84 રન ફટકાર્યા

રસપ્રદ વાત રહી કે, આ મેચમાં મકરંદ આઠમા ક્રમે બેટિંગ કરવા આવ્યો હતો અને તેણે 26 બોલમાં 84 રનની વિસ્ફોટક ઈનિંગ રમી. તેણે આ ઈનિંગ દ્વારા પોતાની ટીમ વિવા સુપરમાર્કેટ્સને ડીવિઝન ટાઈમ્સ શીલ્ડ ટૂર્નામેન્ટનું ટાઈટલ જીતાડ્યું.

કંપનીએ આપી એક દિવસની રજા

મકરંદની આ ધમાકેદાર બેટિંગની ચારે તરફ ચર્ચાઓ થઈ રહી છે. મકરંદ જે કંપનીમાં સેલ્સમેન તરીકે કામ કરે છે તેણે તેને સેલિબ્રેશન માટે એક દિવસની રજા આપી છે.

સંઘર્ષપૂર્ણ રહી છે જિંદગી

વિરારમાં રહેતા મકરંદની જિંદગી ખૂબ જ સંઘર્ષોથી ભરેલી રહી છે. તેના પિતા ખેડૂત છે અને મકરંદ પોતે ખેતરમાં પિતાની મદદ કરે છે, આને કારણે તે ઘણી મેચોમાં ભાગ પણ લઈ શકતો નથી. પાટિલને આશા છે કે, તેનું ભવિષ્ય સારું હશે અને તે દેશ માટે ક્રિકેટ રમશે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2CGoNDv