IPL 2019 : ચેન્નઈનો દિલ્હી સામે 6 વિકેટે વિજય, ધોનીની મેચ વિનિંગ ઈનિંગ

CSKનો સતત બીજો વિજય

IPL 2019ની 5મી મેચમાં ચેન્નઈ સુપરકિંગ્સે દિલ્હીને 6 વિકેટે હરાવી ટૂર્નામેન્ટમાં સતત બીજો વિજય મેળવ્યો છે. દિલ્હીના 6 વિકેેટે 147 રનની સામે ચેન્નઈએ ઓપનર શેન વૉટસનના 44 અને મહેન્દ્ર સિંહ ધોનીના 32 રનની મદદથી 2 બોલ રહેતા 6 વિકેટે મેચ જીતી લીધી હતી.

ચેન્નઈના બોલર્સ છવાયા, દિલ્હીએ બનાવ્યા 147 રન

ફિરોઝશાહ કોટલા ખાતે દિલ્હી કેપિટલ્સ અને ચેન્નઈ સુપરકિંગ્સ વચ્ચે રમાયેલી આ  મેચમાં દિલ્હીની ટીમે પ્રથમ બેટિંગ કરતા શિખર ધવનની અર્ધસદીની મદદથી 20 ઓવરમાં 6 વિકેટે 147 રન બનાવ્યા.

ધવનની ફિફ્ટી, બાકીના ફેલ

અગાઉ દિલ્હીએ ટૉસ જીતી પ્રથમ બેટિંગ કરી હતી. ઓપનર પૃથ્વી શૉ(24) અને શિખર ધવન (51)એ 36 રનની ભાગીદારી નોંધાવી ટીમને સારી શરૂઆત અપાવી હતી. જોકે, શ્રેયસ ઐયર (18) અને રિષભ પંત (25) તેનો લાભ ઉઠાવી શક્યા નહોતા અને સસ્તામાં આઉટ થયા હતા. બીજી તરફ શિખર ધવને એક છેડો સાચવી 51 રનની ઈનિંગ રમી. જોકે, તેની બેટિંગ વધારે પડતી ધીમી હોવાને કારણે તે દિલ્હીને મોટા સ્કોર સુધી પહોંચાડી શક્યો નહીં.

ડ્વેન બ્રાવોની ત્રણ વિકેટ

ચેન્નઈ માટે ડ્વેન બ્રાવોએ 4 ઓવરમાં 33 રન આપી 3 વિકેટ ઝડપી હતી. તે રિષભ પંત, કોલિન ઈન્ગ્રામ અને શિખર ધવન જેવા મોટા પ્લેયર્સની વિકેટો ઝડપી હતી. પંત જ્યારે ખતરનાક લાગી રહ્યો હતો ત્યારે જ તેને પેવેલિયન ભેગો કરી તેણે ચેન્નઈને મોટી રાહત અપાવી હતી. બ્રાવો સિવાય દીપક ચહર, જાડેજા અને તાહિરને 1-1 વિકેટ મળી હતી,

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2V3X07j