આ કારણોસર જરુર જોવી જોઈએ વિદ્યુત જામવાલની ફિલ્મ ‘જંગલી’

એક્શન અને ઈમોશનથી ભરપૂર

એડવેંચરથી ભરપૂર ફિલ્મ ‘જંગલી’ તા. 29 માર્ચના રોજ રિલીઝ થઈ રહી છે. ફિલ્મને લઈને સમગ્ર ટીમ ખૂબ એક્સાઈટેડ છે. વિદ્યુત જામવાલ અભિનિત આ ફિલ્મ એક્શન ફિલ્મ સાથે ફેમિલી ફિલ્મ છે. તેના ટ્રેલરને પણ ખૂબ સારો પ્રતિસાદ મળ્યો છે. દર્શકો આ ફિલ્મની રાહ જોઈ રહ્યા છે. જેમાં એક્શન, ઈમોશન સાથે રોમાન્સ પણ છે. ચક રશેલના ડાયરેક્શનમાં બનેલી ફિલ્મ પરિવાર સાથે બેસીને જોઈ શકાય છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ કારણોસર જોવી જોઈએ ફિલ્મ

વિનિત જૈન ફિલ્મના પ્રોડ્યુસર છે અને પ્રીતિ શાહની કો-પ્રોડ્યુસર છે. આ ફિલ્મમાં પૂજા સાવંત, આશા ભટ્ટ અને અતુલ કુલકર્ણી તથા મકરંદ દેશપાંડે પણ લીડ રોલમાં જોવા મળશે. એક્શન હીરો તરીકે ફરી એક વખત વિદ્યુત સિનેસ્ક્રિન પર જુદા જુદા સ્ટંટ સાથે જોવા મળશે. કમાન્ડો બાદ તેની બીજી એક્શન ફિલ્મ છે. આ ફિલ્મ કેટલાક એવા પણ સિન જોવા મળશે જે અગાઉ ક્યારેય નહીં જોયા હોય. આ ફિલ્મમાં હીરો વિદ્યુત ટોપ 6 ગ્લોબલ માર્શલ આર્ટિસ્ટમાંથી એક છે.

હોલીવૂડ ડાયરેક્ટર ચક રશેલ

‘ધ માસ્ક’, ‘ધ સ્કોર્પિયન કિંગ’, ‘ઈરેજર’ જેવી ફિલ્મના ડાયરેક્ટર ચલ રસેલ ‘જંગલી’ ફિલ્મથી હિન્દી સિનેમામાં એન્ટ્રી કરી રહ્યા છે. જીમ કેરી અને કેમરુન ડિયાઝને ફેમશ કરવાનો શ્રેયક ચક રશેલને જાય છે. એક ઈન્ટરવ્યૂ દરમિયાન તેમણે કહ્યું હતું કે, તે ઘણા લાંબા સમયથી ગ્લોબલ સિનેમામાં રસ દાખવે છે. હું અગાઉ પણ ઈન્ડિયા આવી ચૂક્યો છું, અહીં તે ટેલેન્ટ સાથે ફિલ્મ બનાવવા માગે છે. તેઓ અસલી હાથી સાથે કામ કરવા માટે એક્સાઈટેડ હતા.

પૂજા સાવંત અને આશા ભટ્ટ

આ ફિલ્મથી પૂજા સાવંત અને આશા ભટ્ટ ડેબ્યુ કરી રહી છે. પૂજા મરાઠી સિનેમામાં એક મોટું નામ ધરાવે છે. ‘પોસ્ટર બોય્ઝ’, ‘દાગદી ચાવલ’ અને ‘સતરંગી રે’ જેવી ફિલ્મમાં કામ કરી ચૂકી છે. બોલિવૂડમાંથી પણ તેમના કામની પ્રશંસા થઈ છે. આ ફિલ્મમાં પૂજા ભારતની એકમાત્ર સ્ત્રી મહાવત અને જાનવર સાથે પ્રેમ કરનારી વ્યક્તિ દેખાડવામાં આવી છે. બીજી તરફ આશા મિસ સુપરનેશનલ 2014 રહી ચૂકી છે અને એન્જિનીયરિંગનો અભ્યાસ કરી રહી છે. આ ફિલ્મમાં તે એક પત્રકારની ભૂમિકા અદા કરે છે.

ભોલા સાથેની દોસ્તી

‘જંગલી’ ફિલ્મમાં રાજ (વિદ્યુત) અને હાથી (ભોલા)ની દોસ્તી દેખાડવામાં આવી છે. બંને વચ્ચે સારું એવું બોન્ડિગ છે. ઘટાદાર જંગલો અને વિશાળ વૃક્ષો વચ્ચે ભોલા અને રાજના દ્રશ્યો ખાસ જોવા જેવા છે. બંનેની જિંદગીમાં મુશ્કેલીઓ ત્યારે આવે છે જ્યારે અચાનક જંગલમાં જાનવરોની તસ્કરી માટે કેટલાક શિકારીઓ પોતાની ગાડી અને હથિયારો સાથે જંગલમાં આવે છે. જેનો ટાર્ગેટ ભોલા હોય છે. અહીં વિદ્યુત ભોલાની સાથોસાથ જંગલના તમામ જાનવરોને બચાવવા માટે મેદાને ઊતરે છે. શિકારી અને વિદ્યુત વચ્ચેની ફાઈટ જોવા જેવી છે.

એક્શનસિન

‘જંગલી’ના ટ્રેલમાં વિદ્યુતના દમદાર સ્ટંટ આ ફિલ્મની જાન છે. માર્શલ આર્ટ માટે વિદ્યુત જાણીતો છે. પણ ‘જંગલી’ ફિલ્મ માટે તેને ખૂબ ટ્રેનિંગ લેવી પડી હતી. આ માટે બોડી પણ બનાવી હતી. આ ફિલ્મમાં તે મોટી સ્ક્રિન પર એનિમલ ફ્લો મુવમેન્ટ લાવી રહ્યો છે. એનિમલ ફ્લો વર્કઆઉટ હાઈબ્રિડ ફોર્મ છે જેમાં જિમનાસ્ટિક, યોગ અને બ્રેકડાન્સિગ જેવી વસ્તુઓ સામિલ છે. આ આર્ટમાં નિષ્ણાંત થવા માટે તેણે 2 વર્ષ સુધી કલારિપટ્ટુની પ્રેક્ટિસ કરી છે. એનિમલ ફ્લો અને કલારિપટ્ટુ બંને એકબીજા સાથે જોડાયેલા છે. કલારિપટ્ટુમાં એવું માનવામાં આવે છે કે, એક જીવનમાં તમે કેટલીય બીજી જિંદગીઓનો અનુભવ કરી શકો છો. જે ખૂબ મહેનત અને શિસ્ત બાદ જ મેળવી શકાય છે. જ્યારે એનિમલ ફ્લોનો અર્થ બીજાની ક્વોલીટી લાવવાનો પ્રયત્નો કરવો એ થાય છે. જે સામે છે તેને શીખવું. આ ફિલ્મ માટે વિદ્યુતે ઘોડા, જંગલી સુવર, સાંપ, વીંછી, હાથી, દેડકા અને પતંગિયાની મુવમેન્ટને સમજવાની કોશીશ કરી છે.

 

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2Ulbp1B