ફિલ્મ રિવ્યુ: નોટબુક

જાણો ફિલ્મની વાર્તા

ફિલ્મની વાર્તા: ફિલ્મ નોટબુક કબીર (ઝહીર ઈકબાલ) નામના એક ટીચરની વાર્તા છે કે જે કાશ્મીરની હાઉસ-બોટમાં ભણાવવા માટે આવે છે. તેને અહીં એક અન્ય ટીચર ફિરદોસ (પ્રનૂતન બહલ)ની નોટબુક મળે છે કે જે અગાઉ અહીં ભણાવી ચૂકી છે. આ નોટબુકમાં ફિરદોસે તેના અંગત વિચારો લખેલા છે. આ નોટબુક વાંચ્યા બાદ કબીર મળ્યા વિના જ ફિરદોસના પ્રેમમાં પડી જાય છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જાણો આ ફિલ્મનો રિવ્યુ

રિવ્યુ: આ એક રોમાન્ટિક ફિલ્મ છે અને પણ તેના વિષયની સાથે સંપૂર્ણરીતે ન્યાય કરી શકતી નથી. આ ફિલ્મની વાર્તા ખૂબ જ રસપ્રદ છે પણ તેની પટકથા ખૂબ જ નબળી છે. આ ફિલ્મ વર્ષ 2014માં આવેલી થાઈ ફિલ્મ ધ ટીચર્સ ડાયરીનું એડપ્ટેશન છે. કાશ્મીરનું શૂટિંગ આ ફિલ્મને વધુ સુંદર બનાવે છે અને આ ફિલ્મમાં મુખ્ય ભૂમિકામાં જોવા મળતા ઝહીર ઈકબાલ અને પ્રનૂતત બહલ એક તાજી હવાની જેમ નજર સમક્ષ તરી આવે છે. કોઈને મળ્યા વિના તેના પ્રેમમાં ડૂબી જવું તે ખૂબ જ રસપ્રદ વાત છે પણ આ સ્ટોરી લાઈનને સ્થાપિત થતા ખૂબ જ સમય લાગે છે. આ કપલ ફિલ્મના અંત સુધી એકબીજાને મળી શકતું નથી અને જ્યારે આ હાઈ ડ્રામા શરૂ થાય છે ત્યારે ખૂબ જ મોડું થઈ ચૂક્યું હોય છે.

ફિલ્મની સિનેમેટોગ્રાફી અને અભિનય સુંદર છે

ફિલ્મના લેખકોએ કાશ્મીરી યુવાઓના સામાજિક તાંતણાની આસપાસની વાર્તા લખી છે અને તે સકારાત્મક છે. આ ફિલ્મનું સૌથી મજબૂત પાસું તે આ ફિલ્મની સિનેમેટોગ્રાફી છે અને ફિલ્મના મુખ્ય પાત્રો ઝહીર ઈકબાલ અને પ્રનૂતત બહલના અભિનય છે પણ તેઓ બંને સાથે બહુ ઓછા સમય માટે સ્ક્રીન પર જોવા મળે છે. માટે તેમની કેમેસ્ટ્રી વધુ અસર ઊભી કરી શકતી નથી. આ ફિલ્મનું સંગીત સારું છે પણ ગીતો ફિલ્મની વાર્તા પ્રમાણે અસર ઊભી કરી શકતા નથી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2JNRsfS