બોક્સ ઓફિસ પર છવાઈ ‘કેસરી’, સાત દિવસમાં કરી આટલા કરોડની કમાણી

‘કેસરી’એ કરી સો કરોડની કમાણી

બોલિવુડ એક્ટર અક્ષય કુમારની 21મી માર્ચે રિલીઝ થયેલી ફિલ્મ કેસરી 100 કરોડ ક્લબમાં સામેલ થઈ છે. આ ફિલ્મ સારાગઢીના યુદ્ધ પર બનેલી છે અને ફિલ્મે સાત દિવસની અંદર 100 કરોડની કમાણી કરી લીધી છે. હોળીના દિવસે રિલીઝ થયેલી આ ફિલ્મે દર્શકોને પણ કેસરી રંગમાં રંગી દીધા છે તેમ કહી શકાય.

સારાગઢીના યુદ્ધ પર આધારિત છે ફિલ્મ

ફિલ્મની વાર્તા 1897ના રોજ થયેલા પ્રખ્યાત સારાગઢીના યુદ્ધ પર આધારિત છે. આ યુદ્ધ 10 હજાર અફઘાની સૈનિકો અને 36 સિખ રેજિમેન્ટના 21 જવાનો વચ્ચે થયું હતું. 12 સપ્ટેમ્બર 1897ના રોજ સવારે 10 હજાર જેટલા અફઘાની સૈનિકોએ યુદ્ધ છેડ્યું હતું, જો કે યુદ્ધમાં તેમની હાર થઈ હતી. આ યુદ્ધમાં લગભગ 600 અફઘાની જવાનોના મોત થયા હતા જ્યારે 4800 ઘાયલ થયા હતા. યુદ્ધમાં 21 જવાનોએ પણ શહીદી વ્હોરી હતી. ફિલ્મનું ડાયરેક્શન અનુરાગ સિંહે કર્યું છે અને કરણ જોહર તેના પ્રોડ્યુસર છે.

ફિલ્મે રોજનો આટલો વકરો કર્યો

ફિલ્મે રિલીઝના દિવસે 21.50 કરોડ અને બીજા દિવસે 16.75 કરોડ રૂપિયાની કમાણી કરી હતી. ત્રીજા દિવસે એટલે કે શનિવારે ફિલ્મની કમાણીમાં વધારો થયો અને 18.75 કરોડની કમાણી કરી. રવિવારે 21.51 કરોડ, સોમવારે 8.2 કરોડ, મંગળવારે 7 કરોડ અને બુધવારે 6.52 કરોડ રૂપિયાની કમાણી કરી.

સૌથી મોટી ઓપનિંગવાળી ફિલ્મ

‘કેસરી’ આ વર્ષની સૌથી મોટા ઓપનિંગવાળી ફિલ્મ છે. જ્યારે અક્ષય કુમારના કરિયરની બીજી સૌથી વધારે ઓપનિંગવાળી ફિલ્મ છે. આ પહેલા ફિલ્મ ‘ગોલ્ડ’એ રિલીઝના પહેલા જ દિવસે 25.25 કરોડ રૂપિયાની કમાણી કરી હતી. આ ત્રીજી એવી ફિલ્મ છે જેમાં અક્ષય સિખનો રોલ ભજવી રહ્યો છે, પરંતુ આ ફિલ્મમાં તેનો સીરિયસ રોલ છે.

‘સૂર્યવંશી’માં જોવા મળશે અક્ષય

વર્કફ્રંટની વાત કરીએ તો અક્ષય કુમાર રોહિત શેટ્ટીની ફિલ્મ ‘સૂર્યવંશી’માં કામ કરી રહ્યો છે, જેમાં તે એક પોલીસના રોલમાં જોવા મળશે. જેનો ફર્સ્ટ લૂક થોડા દિવસ પહેલા લોન્ચ કરાયો હતો. આ ફિલ્મમાં માટે લીડ એક્ટ્રેસ માટે પહેલા પૂજા હેગડેનું નામ ચર્ચાતું હતું. જે બાદ આ લિસ્ટમાં સોનમ કપૂર, જેક્લિન અને કેટરીના કૈફ પણ જોડાયા. જો કે થોડા દિવસ પહેલા રોહિત શેટ્ટીએ કહ્યું હતું કે ફિલ્મ માટે હજુ સુધી એક્ટ્રેસનું નામ ફાઈનલ કરાયું નથી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2uvABUJ