મૂવી રિવ્યૂ : જંગલી

માણસ અને પ્રાણીઓ વચ્ચેના પ્રેમનો સેતુ

માણસ ઈશ્વરની સર્વશ્રેષ્ઠ કૃતિ છે અને આને લીધે તેની ફરજ છે કે, તે દુનિયાની અન્ય તમામ અને લુપ્ત થતી પ્રજાતિઓનું સંરક્ષણ કરે, તેમને પ્રોટેક્ટ કરે. જાનવરોને પ્રેમ આપે અને હાથિઓનું સંરક્ષણ કરે, મૂળ રૂપે હોલિવૂડના નિર્દેશક ચક રસેલની આ ફિલ્મ એ જ સંદેશો આપે છે અને સાથે જ એ પણ દર્શાવે છે કે, જો જાનવરોને પ્રેમ અને સ્નેહ આપવામાં આવે તો તે મનુષ્યના સૌથી મોટા સ્વામિભક્ત અને સાથી સાબિત થાય છે.

એક્શન-ઈમોશન્સની પણ ભરમાર

ફિલ્મમાં પ્રાણીઓના ઈમોશન અને એક્શનને નિર્દેશકે એટલી સુંદરતાથી દર્શાવ્યા છે કે, ફિલ્મ જોયાના થોડા જ સમયમાં તમે હાથીઓના નામ અને પાત્રોથી જોડાઈ તેમની લાગણીઓને સમજવા લાગો છો. બોલિવૂડમાં આ વિષય પર ગણી-ગાંઠી ફિલ્મો બની છે, પણ ‘જંગલી’ ફિલ્મ ન માત્ર તમને રાજેશ ખન્નાની ‘હાથી મેરે સાથી’ની યાદ અપાવશે ણ કુદરતના રમણીય દૃશ્યોની સાથે રૂવાંડા ઊભા કરી દેનારી એક્શન અને હાથીઓના ઝૂંડની નિર્દોષતા અને તેમનો ક્રિયા-કલાપ તમારું દિલ જીતી લેશે.

શું છે ફિલ્મની સ્ટોરી

ફિલ્મની વાર્તા ખૂબ જ સરળ અને સહજ છે. રાજ નાયર (વિદ્યુત જામવાલ) શહેરમાં કામ કરતા પ્રાણીઓનો ડૉક્ટર છે. 10 વર્ષના લાંબા સમયગાળા બાદ તે પોતાની માની પુણ્યતિથી પર ઓરિસ્સા જાય છે જ્યાં તેને નવી વાતોનો સામનો કરવો પડે છે. ઓરિસ્સામાં તેના પિતા હાથીઓનું સંરક્ષણ કરતી એક સેન્ચુરી ચલાવે છે. તેમનો પીછો કરતી પત્રકાર મીરા (આશા ભટ્ટ) પણ તેમની સાથે જોડાય છે. તે રાજના પિતા પર આર્ટિકલ લખવા માગે છે. રાજના ઘરે તેના પિતાની સાથે સેન્ચુરીને સપોર્ટ કરવા માટે તેની બાળપણની સાથી શંકરા (પૂજા સાવંત) અને ફૉરેસ્ટ ઑફિસર દેવ પણ છે. ઘરે પરત ફર્યા બાદ રાજ પોતાના બાળપણના સાથી હાથીઓમાં ભોલા અને દીદીને મળીને ખુશ થાય છે અને પોતાના જૂના દિવસોને યાદ કરે છે, જ્યારે તેની મા હયાત હતી અને તે પોતાના ગુરુ (મકરંદ દેશપાંડે) પાસેથીથી કલારિપયટ્ટૂની તાલીમ લઈ રહ્યો હતો.

હાથીઓની સાથે મોજ-મસ્તી કરનારા રાજને કોઈ અંદાજો નથી કે, તેમના ખુશહાલ અભ્યારણ્ય અને હાથીઓ પર શિકારી નજર જમાવીને બેઠાં છે. હાથી દાંતના વિદેશ તસ્કરો માટે શિકાર કરનારો શિકારી (અતુલ કુલકર્ણી) સેન્ચુરીમાં આવી હાથી દાંત હાંસલ કરવા માટે બધુ વેર-વિખેર કરી નાખે છે. એટલું જ નહીં તે હાથીઓના સરદાર ભોલા અને રાજના પિતાની હત્યા કરી ત્યાંની ભાગી જાય છે. શું રાજ હાથીઓને બચાવી શકશે? શું તે તસ્કરો અને શિકારીઓથી પોતાના પિતા અને માર્યા ગયેલા હાથીઓનો બદલો લઈ શકશે? આના માટે તમારે ફિલ્મ જોવી પડશે.

ફિલ્મનો રિવ્યૂ

નિર્દેશક ચક રસેલ ‘જંગલી’ દ્વારા બોલિવૂડમાં પોતાની શરૂઆત કરી રહ્યાં છે. હૉલિવૂડમાં માસ્ક ‘માસ્ક’, ‘સ્કૉર્પિયન કિંગ’ ‘ઈરેઝર’ જેવી બમ્પર હિટ ફિલ્મો આપી ચૂકેલા રસેલે બોલિવૂડના ટેસ્ટને પણ સારી રીતે પકડ્યો છે. તેમણે પાત્રોમાં ભારતીય મૂલ્યોની સાથે પુરાણ, મંત્રો, વિધ્નહર્તા ગણેશ ભગવાનને પણ જોડ્યા છે, સાથે જ તેમણે એક્શન અને ઈમોશનમાં પોતાની જાદુગરી બખૂબી દેખાડી છે.

અદભુત સિનેમેટોગ્રાફી

સિનેમેટોગ્રાફર માર્ક ઈરવિનની સિનેમેટોગ્રાફીમાં ઓરિસ્સાના નયનરમ્ય જંગલો, નદીઓ અને તેમાં રહેતા હાથીઓને જોવા કોઈ વિઝ્યુઅલ ટ્રિટથી ઉતરતું નથી. એક્શન સીન્સ દરેક સ્તરે અચંબિત કરે છે, ભલે તે વિદ્યુત દ્વારા મુંબઈના ગુંડાઓથી નિપટવાના ફાઈટ સીક્વન્સ હોય કે પછી જંગલમાં તસ્કરો અને શિકારીઓ સાથે ફાઈટ દૃશ્યો હોય, એક્શન ડિરેક્ટરે ચુંગ ચી લીએ પ્રશંસનીય કામ કર્યું છે.

એક્ટિંગ પણ છે દમદાર

અભિનયની વાત કરવામાં આવે તો વિદ્યુત પોતાના પાત્રમાં રચ્યો-પચ્યો દેખાય છે. તેણે કલરીપયટ્ટૂ યોદ્ધા અને હાથીઓના સાથી રૂપમાં ગજબનું કામ કર્યું છે. એક્શન દૃશ્યોમાં તેની ચપળતા અને ફ્લેક્સિબિલિટી આશ્ચર્યચકિત કરી દે છે. ભાવનાત્મક દૃશ્યોને પણ તેને બખૂબી નિભાવ્યા છે. રોલ માટે તેણે કરેલી મહેનત પડદા ઝળકે છે અને પાત્રને વિશ્વસનીય બનાવે છે. આશા ભટ્ટ અને પૂજા સાવંતે આ ફિલ્મથી પોતાનું ડેબ્યૂ કર્યું છે અને બંને પોતાના રોલમાં જામે છે. આશા ખૂબ ક્યૂટ લાગે છે અને પૂજા કૉન્ફિડેન્ડ. શિકારી અને તસ્કરોનો સાથ આપનારા ખલનાયકનું પાત્ર અતુલ કુલકર્ણીએ પોતાના અલાયદા અંદાજમાં ભજવ્યું છે. અક્ષય ઑબેરોય અને મકરંદ દેશપાંડે પોતાની ભૂમિકાઓ માટે યાદ રહી જાય છે. સહયોગી કાસ્ટ ફિલ્મને અનુરૂપ છે. સમીર ઉદ્દીન સંગીતમાં ‘ગરજે ગરજે’ ગાના ગીત ખૂબ સારા છે. ‘ફકીરા ઘર આજા’ અને ‘સાથી’ ગીતો પણ વિષયને અનુરૂપ છે.

કેમ જોવી જોઈએ

દિલધડક એક્શન સિક્વન્સ, નિર્દોષ હાથીઓની જૂથબંધી અને ઓરિસ્સાના નયનરમ્ય દૃશ્યોની વિઝ્યુઅલ ટીમ માટે ફિલ્મ જોવી જોઈએ. જો તમે એનિમલ લવર છો તો આ ફિલ્મ તમારા દિલમાં ઉતરી જશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2Up1sQZ