માત્ર પતિ રણવીર માટે જ આવું કામ કરે છે દીપિકા પાદુકોણ 😲

માત્ર પતિ માટે આ કામ કરે છે દીપિકા

બોલિવુડ એક્ટર રણવીર સિંહ અને એક્ટ્રેસ દીપિકા પાદુકોણે ગત વર્ષે ઈટલીમાં પરિવારજનો અને નજીકના મિત્રોની હાજરીમાં ધામધૂમથી લગ્ન કર્યા. લગ્ન બાદ બંને કેટલીયવાર જાહેરમાં એકબીજા પ્રત્યેનો પ્રેમ વ્યક્ત કરી ચૂક્યા છે. થોડા દિવસ પહેલા જ પોતાના ઈન્ડિપેન્ડેન્ટ મ્યૂઝિક લેબલના લોન્ચિંગ વખતે રણવીરે દીપિકાના વખાણ કર્યા. રણવીરે કહ્યું કે દીપિકા ખુબ સારું ગાય છે, પરંતુ તે માત્ર તેના માટે જ આમ કરે છે. રણવીરે કહ્યું કે, ‘મારી પત્ની સારી સિંગર છે પરંતુ તે માત્ર મારા માટે જ ગાવાનું પસંદ કરે છે’.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મ્યૂઝિક લેબલ કર્યું લૉન્ચ

પોતાના ઈન્ડિપેન્ડેન્ટ મ્યૂઝિક લેબલ અંગે વાત કરતા રણવીરે કહ્યું કે, ‘અમારી કંપની માત્ર તે લોકો સુધી સીમિત નથી જેઓ અમારી સાથે કામ કરી શકે. તમારી જાતિ, ઉંમર, સોશિયલ સ્ટેટસ આ માટે મહત્વનું નથી. જો તમે આર્ટિસ્ટ છો અને કંઈક કહેવા માગો છો તો અમે તમારી સાથે કામ કરવાનું પસંદ કરીશું. આ મ્યૂઝિકમાં પ્રામાણિકતાની સાથે સંબંધ છે’.

‘છપાક’માં જોવા મળશે દીપિકા

વર્કફ્રંટની વાત કરીએ તો દીપિકા પાદુકોણ મેઘના ગુલઝારની ફિલ્મ ‘છપાક’માં કામ કરી રહી છે. આ ફિલ્મ એસિડ સર્વાઈવર લક્ષ્મી અગ્રવાલના જીવન પરથી બનાવવામાં આવી રહી છે. ફિલ્મમાં વિક્રાંત મેસી તેના પાર્ટનરના રોલમાં જોવા મળશે. કેટલાક દિવસ પહેલા જ ફિલ્મમાં દીપિકાનો ફર્સ્ટ લુક જાહેર કરાયો હતો.

કપિલ દેવનો રોલ કરશે રણવીર

રણવીર સિંહની વાત કરીએ ગલી બોય તેની છેલ્લી ફિલ્મ હતી જેમાં તેની ઓપોઝિટમાં આલિયા ભટ્ટ હતી. ફિલ્મને દર્શકો તરફથી સારો પ્રતિસાદ મળ્યો હતો. આ સિવાય રણવીર ફિલ્મ 83માં કામ કરી રહ્યો છે જે 1983ના વર્લ્ડ કપ પર આધારિત છે. ફિલ્મમાં રણવીર ક્રિકેટર કપિલ દેવના રોલમાં જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2HPabpm