પેનિસ અંગેના આ 10 સવાલો ડૉક્ટરને પૂછતા શરમાય છે મોટાભાગના પુરુષ

નાની સમસ્યાને અપાય છે મોટું સ્વરુપ

પેનિસની સાઈઝ કે પછી તમે કેટલી વાર સુધી સેક્સ કરી શકો છો તે વાતને લગભગ આખી દુનિયામાં મર્દાનગી સાથે જોડી દેવામાં આવી છે. જેના લીધે ઘણીવાર કોઈ નાની સમસ્યા પણ હોય તોય પુરુષોના મગજમાંથી તેના વિચારો હટતા જ નથી. જોકે, એ વાત પણ હકીકત છે કે આવું થાય ત્યારે પુરુષો ડૉક્ટરને પૂછવાને બદલે દોસ્તો પાસેથી કે ઈન્ટરનેટ પર તેનું સોલ્યુશન શોધવા પ્રયાસ કરે છે. આગળ વાંચો એવા 10 પ્રશ્નો કે જે પુરુષો ડૉક્ટરને પૂછતા શરમાય છે.

શું પેનિસની સાઈઝ વધારવાની કોઈ દવા આવે છે?

પેનિસની સાઈઝ વધારવા માટે કોઈ દવા ઉપલબ્ધ નથી. જોકે, આવો દાવો કરતી દવા માર્કેટમાં તમને ઘણી મળી રહેશે. જે પેનિસની સાઈઝ નથી વધારતી, પરંતુ તેમાં બ્લડ ફ્લોને વધારી દે છે, જેથી ઉત્તેજીત અવસ્થામાં તમને તમારા પેનિસની સાઈઝ વધી ગઈ હોય તેવું લાગે છે. ખરેખર તેમાં કોઈ ફરક નથી પડ્યો હોતો.

શું સર્જરીથી પેનિસને લાંબુ કરાવી શકાય?

પેનિસને લાંબુ કરાવવા માટેની કેટલીક સર્જરી ઉપલબ્ધ છે, પરંતુ તેનાથી દૂર રહો તો જ સારું છે. જે લોકો પોતાનું પેનિસ લાંબુ કરાવવાની સર્જરી કરાવવાનો આગ્રહ રાખતા હોય છે તેવા લોકોની સાઈઝ ખરેખર તો નોર્મલ જ હોય છે. તકલીફ ત્યારે થાય છે જ્યારે લોકો પોર્ન ફિલ્મો જોઈને તેના એક્ટર જેવું પેનિસ મેળવવા માગે છે. જેમ ફિલ્મમાં હીરોને હોય છે તેવા મસલ્સ રિયલ લાઈફમાં ભાગ્યે જ કોઈને હોય છે, આ જ વાત પેનિસને પણ લાગુ પડે છે.

કેટલી સાઈઝનું પેનિસ નોર્મલ ગણાય?

2015માં લંડનની કિંગ્સ કોલેજ દ્વારા પેનિસની સાઈઝ પર કરાયેલા 20 જૂના રિસર્ચનો રિવ્યૂ કરવામાં આવ્યો હતો. જેમાં 15,500 પુરુષોને આવરી લેવાયા હતા. આ તમામ 20 રિસર્ચનું એનાલિસિસ કરી એ તારણ નીકળ્યું હતું કે, જો સુષુપ્ત અવસ્થામાં તમારા પેનિસની સાઈઝ 3.6 ઈંચ હોય તો તે નોર્મલ છે. જ્યારે ઉત્તેજીત અવસ્થામાં પેનિસની એવરેજ સાઈઝ 5.2 ઈંચ છે.

શું માઈક્રોપેનિસ ખરેખર હોય છે?

નોર્મલ સાઈઝથી ઘણી નાની સાઈઝના પેનિસને માઈક્રો પેનિસ તરીકે ઓળખવામાં આવે છે. ડૉક્ટર્સનું માનીએ તો સુષુપ્ત અવસ્થામાં જો પેનિસની સાઈઝ 5.2 સેન્ટીમીટર હોય તો તેને માઈક્રો પેનિસ કહેવાય છે. બાળક ગર્ભમાં હોય તે વખતે તેના વૃષ્ણ પૂરતા પ્રમાણમાં ટેસ્ટોસ્ટેરોન ન બનાવે ત્યારે પેનિસ નાનું રહી જાય છે. જોકે, માઈક્રો પેનિસને કારણે સેક્સ કરવામાં કોઈ તકલીફ નથી પડતી.

શું પેનિસનું સહેજ વાંકુ હોવું નોર્મલ છે?

ઉત્તેજીત અવસ્થામાં પેનિસનું સહેજ વાંકુ હોવું બિલકુલ નોર્મલ છે. તેના માટે કોઈ ટ્રીટમેન્ટની પણ જરુર નથી. જોકે, કેટલાક કેસમાં (જે ભાગ્યે જ જોવા મળે છે)પેનિસમાં રહેલા ટિશ્યૂ તેને વધુ બેન્ડ કરી નાખે છે. ઘણી વાર તો પેનિસ ઉત્તેજીત અવસ્થામાં ખૂબ જ વાંકુ થઈ જાય છે, અને પેટ તરફ ઢળતું રહે છે. તેનું ચોક્કસ કારણ નથી જાણી શકાયું, પરંતુ સેક્સ દરમિયાન ક્યારેક ઈન્ટરનલ ઈન્જરી થવાથી પણ આમ થઈ શકે છે.

પેનિસને પગની કે પછી હાથની આંગળીની સાઈઝ સાથે કોઈ કનેક્શન છે?

કેટલાક રિસર્ચ તમારા પગના પંજાની સાઈઝ કે પછી હાથની આંગળીની સાઈઝને પેનિસની સાઈઝ સાથે થોડું-ઘણું કનેક્શન છે તેવું સૂચવે છે. જોકે, દરેક વ્યક્તિના કિસ્સામાં આ વાત લાગુ પડે છે તેવું જરાય નથી. એટલું જ નહીં, કેટલાક યુરોલોજીસ્ટ આંગળીની સાઈઝ અને પેનિસની સાઈઝની સરખામણીને નબળું ધારાધોરણ ગણે છે.

શું પેનિસ તૂટી શકે?

પેનિસની અંદર કોઈ હાડકું નથી હોતું, પરંતુ તેમાં ઉત્તેજીત અવસ્થામાં બ્લડ ભરાય તેવી ચેમ્બર હોય છે. તમે ઉત્તેજીત થાઓ ત્યારે હાઈ પ્રેશર સાથે તેમાં બ્લડ ભરાયેલું હોય છે. તેવામાં જો તેના પર પ્રેશર આવે અને તે વાંકું થઈ જાય તો આ બ્લડ ચેમ્બર ફાટી શકે છે. તેને પેનિસ ફ્રેક્ચર તરીકે પણ ઓળખાય છે, જે ઘણું પેઈનફુલ હોય છે. આવી સ્થિતિમાં વ્યક્તિને હોસ્પિટલમાં સારવાર લેવી પડે છે.

શું મોટી ઉંમરમાં જ શિશ્નોત્થાનમાં તકલીફ પડે?

જેમ તમારી ઉંમર વધે તેમ શિશ્નોત્થાનમાં તકલીફ પડે છે. પરંતુ ઈરેક્ટાઈલ ડાયફંક્શન એટલે કે ઉત્તેજનામાં તકલીફ ગમે તે ઉંમરે થઈ શકે છે. જેનું કારણ ઘણીવાર ફિઝિકલ નહીં, પરંતુ સાયકોલોજીકલ પણ હોઈ શકે છે. જેમ કે કોઈ યુવક ટેન્શનમાં હોય ત્યારે તેને શિશ્નોત્થાનમાં તકલીફ પડે છે, તેવામાં જો તે જબરજસ્તી તેના માટે પ્રયાસ કરે તો તેની આ સમસ્યા વધી શકે છે.

શિઘ્ર સ્ખલનને રોકવા શું કરી શકાય?

કેટલાક પુરુષોને સેક્સ કરતી વખતે સેકન્ડોમાં જ ડિસ્ચાર્જ થઈ જતું હોય છે. એક અંદાજ અનુસાર 5 થી 30 ટકા પુરુષોને આ સમસ્યા હોય છે. જેની ઘણીવાર માનસિક અસર પણ પડતી હોય છે. જોકે, આ સમસ્યાનું સમાધાન ચોક્કસ છે. તે ફિઝિકલ કે સાયકોલોજીક પણ હોઈ શકે છે, ને યોગ્ય ડોક્ટર પાસે સારવાર કરાવવાથી તે હલ થઈ શકે છે.

જાતિય રોગ થાય તો પેનિસ પર તેના ચિન્હો દેખાય?

દરેક જાતિય રોગના ચિન્હો પેનિસ પર દેખાય તે જરુરી નથી. જો તમને કોઈ જાતિય રોગ થયાની શંકા જાય તો પેનિસ પર તેના ચિન્હો શોધવાને બદલે તમે તમારો બ્લડ ટેસ્ટ કરાવો અને ડૉક્ટરની સલાહ લો તે જ સૌથી સારો રસ્તો છે.

from Sex News in Gujarati: Latest Sex News, Read Gujarati Sex News – Page Array – I Am Gujarat https://ift.tt/2FUJD45