બાળકોનું પેટ ભરવા માટે આ માતા 15 વર્ષથી ચલાવી રહી છે ટ્રક

પરિવારના ભરણપોષણ માટે ટ્રક ચલાવવાનું નક્કી કર્યું

એક એવી મહિલા કે જેણે પરિવારના ભરણપોષણ માટે ટ્રક ચલાવવાનું નક્કી કર્યું, અને છેલ્લાં 15 વર્ષથી તે ટ્રક ચલાવીને બાળકોનું પેટ ભરે છે. ટ્રક ચલાવતી વખતે આ મહિલા હાઈવેના ઢાબા પર ખાય છે અને ક્યારેક-ક્યારેક રસ્તા પાસે ઊભી રહીને જાતે પણ જમવાનું બનાવી લે છે. આ મહિલા ટ્રકમાં જ સૂઈ જાય છે અને તમામ કાર્યો તે એકલી જ કરે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટ્રક ચલાવતી વખતે શીખી અનેક ભાષાઓ

આ મહિલા ભોપાલની છે અને તેનું નામ યોગિતા છે. તેની ઉંમર 49 વર્ષ છે અને તેની પાસે કોમર્સ અને લૉની ડિગ્રી છે. તેણે કમાણી માટે ટ્રક ડ્રાઈવિંગનું કામ પસંદ કર્યું અને 15 વર્ષથી ટ્રક ચલાવતા-ચલાવતા તે દેશના અડધા કરતા વધારે રાજ્યો ફરી ચૂકી છે. તે દેશની અનેક ભાષાઓ જાણે છે.

એક અકસ્માતમાં તેના પતિનું મૃત્યુ થયું હતું

વર્ષ 2003માં આ મહિલાના પતિનું રોડ અકસ્માતમાં મૃત્યુ થયું હતું. ઘણી મુશ્કેલીઓનો સામનો કરતા યોગિતા નામની આ મહિલાએ કમાણી માટે ટ્રક ડ્રાઈવિંગનો વ્યવસાય પસંદ કર્યો.

ટ્રક ચલાવવાના કામમાં ક્યારેય ડર લાગ્યો નથી

યોગિતા જણાવે છે કે ટ્રક ડ્રાઈવિંગ દરમિયાન ખૂબ જ સાવધાન રહેવું પડે છે. પણ તેને ક્યારેય ટ્રક ચલાવતી વખતે ડર લાગ્યો નથી. અન્ય ડ્રાઈવર્સ પણ આ મહિલાને મદદ કરે છે અને જ્યારે પણ આ મહિલા કોઈ ઢાબા પર જમવા માટે જાય છે ત્યારે લોકો તેનું સ્વાગત કરે છે.

from Page Array – I Am Gujarat http://bit.ly/2UiaYBe