મુંબઈ: મંગળવારે સેન્સેક્સ અને નિફ્ટી નવી ટોચે બંધ રહ્યા હતા. બેન્ક, કેપિટલ ગૂડ્ઝ, ટેલીકોમ, મેટલ, કન્ઝ્યુમર ડ્યુરેબલ્સ શેરોમાં ધૂમ લેવાલીથી સેન્સેક્સમાં 369.80 પોઈન્ટ્સ અથવા 0.95%નો જંગી ઉછાળો નોંધાયો હતો.
દિવસ દરમિયાન BSE સેન્સેક્સ ઉપરમાં 39,364.34 અને નીચામાં 39,038.81 પોઈન્ટ્સની સપાટી વચ્ચે અથડાયા બાદ 369.80 પોઈન્ટ્સના ઉછાળા સાથે 39,275.64 પોઈન્ટ્સની સપાટીએ બંધ રહ્યો હતો. નેશનલ સ્ટોક એક્સચેંજનો નિફ્ટી પણ ઉપરમાં 11,810.95 અને નીચામાં 11,731.55 પોઈન્ટ્સની સપાટી વચ્ચે ટ્રેડ થયા બાદ 96.80 પોઈન્ટ્સના ઉછાળા સાથે 11,787.15 પોઈન્ટ્સની સપાટીએ બંધ રહ્યો હતો.
BSE મિડકેપ અને BSE સ્મોલકેપ ઈન્ડેક્સ અનુક્રમે 0.12 ટકા અને 0.37 ટકા વધીને બંધ રહ્યા હતા.
બજાર નિષ્ણાતોના મતે ભારતીય હવામાન ખાતાએ ચોમાસું સામાન્ય રહેવાની ધારણા દર્શાવી હોવાથી તેમજ પોઝિટિવ ડેટાને પગલે બજારના સેન્ટિમેન્ટમાં સુધારો જોવા મળ્યો હતો. IT સેક્ટરની અગ્રણી કંપનીઓ TCS અને ઈન્ફોસિસે સારા નાણાકીય પરિણામ નોંધાવીને અર્નિંગ સિઝનની ધમાકેદાર શરૂઆત કરી હોવાથી તેમજ વિદેશી રોકાણકારોના અવિરત રોકાણ પ્રવાહથી પણ ભારતીય શેરબજારમાં તેજી આગળ વધી હતી.
આ ઉપરાંત ભારતની નિકાસમાં વૃદ્ધિ થઈ હોવાના સમાચારને કારણે પણ રોકાણકારોનો વિશ્વાસ વધ્યો હતો અને શેરબજારમાં ધૂમ લેવાલી જોવા મળી હતી.
ભારતની નિકાસ વાર્ષિક ધોરણે 11.02 ટકા વધીને માર્ચમાં 32.55 અબજ ડોલર થઈ હતી જે એક વર્ષ અગાઉના સમાનગાળા દરમિયાન 29.32 અબજ ડોલર જ હતી.
આજે વધેલા મુખ્ય શેર્સમાં ઈન્ડસઈન્ડ બેન્ક 3.96 ટકા, ICICI બેન્ક 3.58 ટકા, ONGC 2.68 ટકા, મારુતિ સુઝુકી 1.76 ટકા અને L&T 1.85 ટકા વધીને બંધ રહ્યા હતા જ્યારે પાવરગ્રીડ 0.63 ટકા અને ઈન્ફોસિસ 0.39 ઘટીને બંધ રહ્યા હતા.
આજે રિયલ્ટી સિવાયના તમામ સેક્ટોરલ ઈન્ડાઈસિસ ગ્રીન ઝોનમાં બંધ રહ્યા હતા.
from Page Array – I Am Gujarat http://bit.ly/2GgZOYw
No comments:
Post a Comment