મેટ્રોના દરવાજામાં ફસાયો સાડીનો છોડો, ટ્રેન સાથે કેટલાય ફૂટ ઘસેડાઈ મહિલા

મેટ્રોમાં ઉતરતી ચઢતી વખતે ધ્યાન રાખવું

દીપક ખારી, નવભારત ટાઇમ્સઃ મેટ્રો ટ્રેન જેવી સુવિધા જો નાનકડી ભૂલ કરવામાં આવે તો કેટલી મોટી કિંમત ચૂકવવી પડે તેનું આ ઘટના ઉદાહરણ છે. દિલ્હીના મેટ્રો સ્ટેશન પર મંગળવારે સવારે એક ઘટના ઘટી અને એક મહિલાનો જીવ માંડ કરીને બચ્યો. મેટ્રો ટ્રેન સ્ટેશન પર આવીને ઉભી કે એક મહિલા તેમાંથી ઉતરી રહી હતી. આ જ સમયે મેટ્રોના ઓટોમેટિક દરવાજા બંધ થઈ રહ્યા હતા. જેમાં તે મહિલાની સાડી ફસાઈ ગઈ. મહિલા કંઈ સમજે અને કરે તે પહેલા મેટ્રો ચાલવા લાગી અને તેની સાથે મહિલા પણ ઘસડાવા લાગી. મહિલાની ચીસાચીસ કરવા લાગી. પ્લેટફોર્મ પર હાજર લોકોએ દેકારો મચાવ્યો અને તેના દ્વારા ડ્રાઈવરનું ધ્યાન ખેંચીને ટ્રેન ઉભી રાખવા ઇશારો કર્યો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પ્લેટફોર્મ પરથી ટ્રેક સુધી ઘસેડાઈ

ડ્રાઈવરે સમયસૂચકતા વપરતા ટ્રેન ઉભી રાખી ત્યારે મહિલા કેટલાક ફૂટ ઘસડાઈને પ્લેટફોર્મની બહાર ટ્રેન સાથે ટ્રેક પર જઈ પડી હતી. આ ઘટનામાં તેને ગંભીર ઈજા થઈ. ઘટનાની જાણ થતા જ સ્થાનિક સ્ટેશન અધિકારી અને CISFના જવાનો ઘટનાસ્થળે પહોંચ્યા અને મહિલાને નજીકની હોસ્પિટલમાં દાખલ કરી.

સાડી પણ ગઈ ફાટી

સૂત્રો દ્વારા મળેલી જાણકારી અનુસાર સવારે 9.20 વાગ્યે મોતી નગર મેટ્રો સ્ટેશન પર એક 40 વર્ષીય મહિલા મેટ્રોમાંથી ઉતરી રહી હતી ત્યારે જ દરવાજા બંધ થઈ રહ્યા હતા. તે ઉતરી તો ગઈ પરંતુ તેની સાડી દરવાજામાં ફસાઈ ગઈ અને તે ખૂબ પાતળી હોવાના કારણે ગેતના સેન્સરને પણ ખબર પડી નહી. ગેટ બંધ થતા જ મેટ્રો ચાલવા લાગી અને મહિલા તેની સાથે ઘસેડાવા લાગી અને જ્યાં સુધીમાં મેટ્રો ઉભી ત્યારે ટ્રેન પ્લેટફોર્મ પરથી બહાર નકળી ગઈ હતી. જેના કારણે મહિલા પણ તેની સાથે ઘસડાઈને રેલવે ટ્રેક પર જઈ પડી હતી.

મેટ્રોમાં માત્ર કેટલીક સેકન્ડ પૂરતા જ ખૂલે છે દરવાજા

આ ઘટનામાં મહિલાની સાડી પણ ફાટી ગઈ હતી. જે બાદ આ રુટ પર આવતી જતી તમામ મેટ્રોને 20 મિનિટ સુધી અટકાવી દેવામાં આવી હતી. ઉલ્લેખનીય છે કે દરેક સ્ટેશન પર મેટ્રો લગભગ 10-20 સેકન્ડ માટે અટકે છે એટલા સમયમાં પેસેન્જર માટે તેમાં ચઢવું અને ઉતરવું સહેલું નથી હોતું.

from Page Array – I Am Gujarat http://bit.ly/2UFuPiz