ફિલ્મ સ્ટાઈલમાં કરાતી હતી હેરાફેરી
સુરતઃ ગુજરાતમાં દારુ બંધી છે જેના કારણે ગુજરાતમાં દારુ લાવનારા બુટલેગરો વિવિધ ફિલ્મ સ્ટાઈલને ફોલો કરતા રહે છે. આ વખતે સુરતમાં કેમિલ લાવવા માટેનું ટેંકર હોય તેનો ઉપયોગ કરીને દારુની હેરાફેરી કરવામાં આવી રહી હતી જેના પર પોલીસે વોચ રાખીને પ્લાનને નિષ્ફળ બનાવ્યો છે. પોલીસે આ કેસમાં ત્રણ લોકોને વોન્ટેડ પણ જાહેર કર્યા છે. આરોપીઓની પૂછપરછમાં આ રીતે કરાતા ટ્રાન્સપોર્ટેશનની મોટી વાતનો ખુલાસો થઈ શકે છે. આ દારુ ક્યાંથી લાવવામાં આવ્યો, ક્યાં મોકલવાનો હતો તેની પણ ઊંડી તપાસ પોલીસ દ્વારા કરવામાં આવશે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
ટેંકરમાં ભર્યો હતો દારુનો જથ્થો
સુરત પોલીસે ઉધના પાસે આવેલા સંજયનગરમાં ગોડાઉનમાં તપાસ કરી ત્યારે આ દારુની હેરાફેરીનો પર્દાફાશ થયો છે. આ કેસમાં અહમદ રિયાઝ અહમદ શેખ અને રાજ અહેમદ ઉર્ફે પ્લાસ્ટિક ચાંદસૈયદ આરોપી છે. આ કેસમાં 3 વોન્ટેડ આરોપી સફીકુદ્દીન ઉર્ફે લાલા તારીકુદ્દીન ફારુકી, સોહેલ અને સરીફ છે. પોલીસે સવારે 5 વાગ્યે આ દારુની હેરાફેરીનો પર્દાફાશ કર્યો છે.
29 લાખથી વધુનો મુદ્દામાલ પકડાયો
આ કેસમાં પોલીસે ભારતીય બનાવટના 17,06,800 રુપિયાની કિંમતના દારુ સહિત ટેંકર, મોબાઈલ ફોન સહિત કુલ 29 લાખથી વધુનો મુદ્દામાલ જપ્ત કર્યો છે. પોલીસે આ કેસમાં પંચાનામું કરીને આરોપીઓની પૂછપરછ બાદ વધુ વિગતો સામે આવશે તેમ માની રહી છે. આ પ્રકારની હેરાફેરી અગાઉ કરાઈ છે કે નહીં તેની વિગતો પણ તપાસ બાદ જ જાણી શકાશે.
ક્યાંથી લવાયો આ દારુ?
સામાન્ય રીતે ફિલ્મોમાં જે રીતે દારુની હેરાફેરીની સ્ટોરી દર્શાવવામાં આવે છે તે જ રીતે અહીં પણ કેમિકલના ટેંકરમાં દારુના ખોખા ભરીને લઈ જવાતા હતા, આ દારુના જથ્થાને પ્લાસ્ટિકના ગોડાઉન પાસે લાવવામાં આવ્યો હતો જ્યાં પોલીસે રેડ પાડીને મુદ્દામાલ કબજે કર્યો છે.
from Page Array – I Am Gujarat http://bit.ly/2Pa0ov9
No comments:
Post a Comment