NRIમાં મોદી ફેવરિટ, ભાજપ માટે પ્રચાર કરી રહ્યા છે કેનેડા-ઓસ્ટ્રેલિયાના ગુજ્જુઓ

મોદીના સપોર્ટમાં NRI:

અમદાવાદઃ ગુજરાતમાં હજુ 23 એપ્રિલના મતદાન માટે ચૂંટણી પ્રચાર ભલે પરાકાષ્ટાએ ન પહોંચ્યો હોય પરંતુ કેનેડા અને ઓસ્ટ્રેલિયામાં વસતા ભારતીયો, ખાસ કરીને ગુજરાતીઓના ગૃપમાં ચૂંટણીનો માહોલ બરાબર જામી ગયો છે. સ્કારબોરોમાં ચાઈ પે ચર્ચાના આયોજન બાદ ઈન્ડો-કેનેડિયન્સે વડાપ્રધાન નરેન્દ્ર મોદીના સપોર્ટમાં ઓન્ટારિયોના બ્રેમ્પટનમાં કાર રેલી પણ કાઢી હતી. આ કાર રેલીનું આયોજન NRI4NaMo ટીમ દ્વારા કરવામાં આવ્યું હતું. નીચા તાપમાન અને ધોધમાર વરસાદ છતાંય રેલીમાં મોટી સંખ્યામાં લોકો જોડાયા હતા.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

વિદેશી ધરતી પર ભારતીય ધ્વજ લહેરાયોઃ

આ રેલીના આયોજકોમાંના એક નરેશકુમાર ચાવડા સુરેન્દ્રનગરના છે. તેમણે જણાવ્યું, “અમે આ ઈવેન્ટને સોશિયલ મીડિયા પર પ્રમોટ કરી રહ્યા છીએ. રજિસ્ટ્રેશન ત્રણ દિવસ પહેલા ઓપન થયું હતું અને ઈન્ડો-કેનેડિયન કોમ્યુનિટીમાંથી તેમાં 100 ટકા પાર્ટિસિપેશન મળ્યું હતું.” રેલી રામ માધવ મંદિરથી શરુ થઈ ડિક્સી રોડ પરથી પસાર થઈ હતી. આ રેલીમાં જોડાયેલી કાર્સમાં NRI4NaMoના બેનર, પોસ્ટ, ભારત અને કેનેડાના રાષ્ટ્રધ્વજ લાગેલા હતા. રેલીમાં વંદે માતરમ અને ભારત માતા કી જય સૂત્રોચ્ચાર પણ થયા હતા.

મોટી સંખ્યામાં મોદી સપોર્ટર્સ જોડાયાઃ

ચાવડાએ જણાવ્યું, “અમે જ્યારે મંદિરે પહોંચ્યા ત્યારે 100 જેટલા સભ્યો કેમ્પસમાં રાહ જોતા ઊભા હતા. અમારી અપેક્ષા કરતા આ સંખ્યા વધારે હતી. આખુ મંદિર મોદી અને ભાજપના ટેકેદારોથી ભરાઈ ગયું હતું.” ભારતીય મતદાતાઓને મોદીને મત આપવા પ્રેરણા આપવાના આશયથી આ કેમ્પેઈન ચલાવવામાં આવ્યું હતું.

ઓસ્ટ્રેલિયામાં કાર રેલીઃ

આ જ રીતે ધ ઓવરસીઝ ફ્રેન્ડ્સ ઑફ બીજેપી (OFBJP) ઓસ્ટ્રેલિયાએ પણ કાર રેલી યોજી હતી. મેલબોર્નના ટાર્નેઈટ સ્ટેશન કાર પાર્કમાં ડ્રાઈવ ફોર ડેવલપમેન્ટનું આયોજન કરાયું હતું. તેમાં લોકો મોદી અને ભાજપના સિમ્બોલવાળા ટી-શર્ટ પહેરીને આવ્યા હતા. તેમાં વાહનચાલકોએ ‘ફિર એક બાર મોદી સરકાર’ અને ‘કહો દિલસે મોદી ફિર સે’ના નારા લાગ્યા હતા.

from Page Array – I Am Gujarat http://bit.ly/2v9MIXy