મુંબઈ ઈન્ડિયન્સના આ સ્ટાર ખેલાડીએ 24 કલાકમાં 2 દેશોમાં 10 વિકેટ ઝડપી

મુંબઈ ઈન્ડિયન્સના ખેલાડીની કમાલ

નવી દિલ્હીઃ શ્રીલંકાના ઝડપી બોલર લસિથ મલિંગાએ કમાલનું કારનામું કરી બતાવ્યું. તેણે માત્ર 24 કલાકની અંદર બે દેશોમાં બે અલગ-અલગ ટૂર્નામેન્ટમાં બે મેચો રમી, એક ટી-20 અને એક વનડે. આટલું જ નહીં આ દરમિયાન તેણે 10 વિકેટ પણ ઝડપી. મલિંગાએ બુધવારે મુંબઈ ઈન્ડિયન્સ માટે ચેન્નઈ સુપર કિંગ્સ સામે આઈપીએલમાં મેચ રમી. આ બાદ તે સ્વદેશ જતો રહ્યો અને અહીં તેણે 50 ઓવરની વનડે મેચ રમી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

IPLમાં 3 વિકેટ

મુંબઈ ઈન્ડિયન્સ માટે મલિંગાએ શાનદારો બોલિંગ કરી. તેણે 4 ઓવરમાં 34 રન આપીને 3 મોટી વિકેટ્સ ઝડપી. આ મેચ મુંબઈના વાનખેડે સ્ટેડિયમમાં રમાઈ હતી, જેમાં રોહિત શર્માની કેપ્ટનશિપવાળી મુંબઈ ઈન્ડિયન્સે એમએસ ધોનીની કેપ્ટનશીપવાળી ચેન્નઈ સુપર કિંગ્સને 37 રનોથી હરાવી દીધું. આ મેચ બાદ તે ગુરુવારની સવારે કેન્ડી માટે રવાના થઈ ગયો.

સુપર ફોર ટૂર્નામેન્ટમાં 7 વિકેટ

શ્રીલંકામાં તેણે સુપર ફોર ટૂર્નામેન્ટમાં મેચ રમી. મલિંગાએ મેચમાં ઘાતક બોલિંગ કરી અને લિસ્ટ-એમાં પોતાનું સર્વશ્રેષ્ઠ પ્રદર્શન આપ્યું. અહીં તેણે 49 રન આપીને 7 વિકેટ ઝડપી. તેની સારી બોલિંગની મદદથી તેની ટીમ ગોલે કેન્ડીને 156 રનથી હરાવ્યું. આમ જોવા જઈએ તો તેણૈ 24 કલાકમાં 83 રન આપીને 10 વિકેટ ઝડપી.

SRH સામે નહીં હોય મુંબઈ ટીમનો ભાગ

મુંબઈ ઈન્ડિયન્સને પોતાની આગામી મેચ 6 એપ્રિલે સનરાઈઝર્સ હૈદરાબાદ સામે મલિંગા વિના જ રમવી પડશે. આ મેચ માટે મલિંગા ઉપલબ્ધ નહીં હોય. કારણ કે તે 11 એપ્રિલ સુધી શ્રીલંકાની ડોમેસ્ટિક એ ટૂર્નામેન્ટમાં ભાગ લેશે. જોકે તે 13 એપ્રિલે રાજસ્થાન રોયલ્સ સામે રમાનારી આગામી મેચમાં મુંબઈ ઈન્ડિયન્સ સાથે હોઈ શકે છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2CTHsLZ