લો-સ્કોરિંગ મેચમાં હૈદરાબાદનો દિલ્હી સામે 5 વિકેટે રોમાંચક વિજય

હૈદરાબાદની વધુ એક જીત

ફિરોઝશાહ કોટલાના મેદાન ખાતે રમાયેલી લો-સ્કોરિંગ મેચમાં સનરાઈઝર્સ હૈદરાબાદે દિલ્હી કેપિટલ્સને 5 વિકેટે હરાવી રોમાંચક જીત મેળવી. દિલ્હીના 20 ઓવરમાં 8 વિકેટે 129 રનના સ્કોરને હૈદરાબાદે 18.3 ઓવરમાં 5 વિકેટ ગુમાવી પાર કરી લીધો હતો. દિલ્હીના બોલરોએ સારો દેખાવ કર્યો હતો છતા તે ટીમને જીત અપાવવામાં નિષ્ફળ રહ્યાં હતા. હૈદરાબાદ તરફથી જૉની બેરસ્ટોએ સૌથી વધુ 48 રન બનાવ્યા હતા.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

બેરસ્ટોની ઈનિંગ રહી નિર્ણાયક

130 રનના સ્કોરની પીછો કરવા ઉતરેલી હૈદરાબાદની શરૂઆત સારી રહી નહોતી. શાનદાર ફોર્મમાં ચાલી રહેલો ડેવિડ વૉર્નર (10) રન બનાવી આઉટ થયો હતો. જોકે, બાદમાં વિજય શંકર (16), મનીષ પાંડે (10) અને દીપક હૂડ્ડા(10) પણ નિષ્ફળ રહ્યાં હતા. જોકે, ગત મેચના સેન્ચુરિયન જૉની બેરસ્ટોએ એક છેડો સાચવીને ટીમનો સ્કોર આગળ વધાર્યો હતો. તેણે 28 બોલમાં 48 રન બનાવ્યા હતા. તે 2 રન માટે અર્ધસદી ચૂકી ગયો પણ ટીમને જીતની સ્થિતિમાં લાવી દીધી. બાદમાં મોહમ્મદ નબી-યુસૂફ પઠાણની જોડીએ ટીમને જીત સુધી પહોંચાડી હતી.

દિલ્હીની નબળી બેટિંગ

અગાઉ હૈદરાબાદે ટૉસ જીતી દિલ્હીને બેટિંગ આપી હતી. DCની શરૂઆત નબળી રહી હતી અને તે તેમાંથી ઊબરી શકી જ નહોતી. કેપ્ટન શ્રેયસ ઐયર(43) અને અક્ષર પટેલ (23)ને બાદ કરતા બધા બેટ્સમેનો નિષ્ફળ રહ્યાં હતા. આના પરિણામે ટીમનો સ્કોર 20 ઓવરના અંતે 8 વિકેટે 129 રન સુધી જ પહોંચી શક્યો હતો.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2VprYXo