35 વર્ષ સુધી લોકોના દિલોમાં રાજ કરનારી આ કારનું પ્રોડક્શન મારુતિએ બંધ કર્યું!

મારુતિએ બંધ કર્યું લોકપ્રિય કારનું પ્રોડક્શન

નવી દિલ્હીઃ દેશની સૌથી મોટી ઓટોમોબાઈલ્સ નિર્માતા કંપની મારુતિએ 35 વર્ષ જૂની મારુતિ સુઝુકી ઓમની (Omni) મોડલનું પ્રોડક્શન બંધ કરી નાખ્યું છે. Omni ભારતમાં ખૂબ લોકપ્રિય રહી. 35 વર્ષ બાદ પણ આ કાર સેલિંગના મામલે સારું પ્રદર્શન કરી રહી હતી. ઓમની પોતાના ગ્રાહકોને કસ્ટમાઈઝેશનનો પણ ઓપ્શન આપે છે. એટલે કે ગ્રાહકો પોતાની સુવિધા અનુસાર બોડી ડાઈપ્સ પસંદ કરી શકે છે. પરંતુ હવે એક રિપોર્ટ મુજબ કંપનીએ તેનું પ્રોડક્શન બંધ કરવાનો નિર્ણય લીધો છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

35 વર્ષથી માર્કેટમાં હતી

ઓમની મારુતિ સુઝુકીની પહેલી કાર મારુતિ 800 લોન્ચ થયાના એક વર્ષ બાદ 1984માં ભારતમાં લોન્ચ થઈ હતી. હવે 35 વર્ષ બાદ કંપનીએ નવા રોડ સેફ્ટી નોર્મ્સ રજૂ થયા બાદ તેને બંધ કરવાનો નિર્ણય લીધો છે.

હાલમાં જ લોન્ચ થઈ છે મારુતિ સુઝુકી Eeco

કંપનીએ હાલમાં જ મારુતિ સુઝુકી Eeco MPV ભારતમાં લોન્ચ કરી છે. આ MPVને રિવર્સ પાર્કિંગ, કો-ડ્રાઈવર સીટ બેલ્ટ રિમાઈન્ડર જેવા સેફ્ટી ફીચર્સ આપ્યા છે. સરકાર દ્વારા ABS, એરબેગ્સ અને BSVI નોર્મ્સ અનિવાર્ય કરાયા બાદ ઘણી ઓટોમોબાઈલ કંપનીઓએ પોતાની જૂની કાર્સનું પ્રોડક્શન બંધ કરી દીધું છે. મારુતિ સુઝુકીના નવા સેફ્ટી નોર્મ્સને જોતા Eeco વેન જરૂરી સેફ્ટી ફીચર્સથી લેસ કરીને માર્કેટમાં ઉતારી છે. અપડેટેડ મારુતિ Eecoની શરૂઆતની એક્સ શોરૂમ કિંમત 3.55 લાખ રૂપિયા રાખવામાં આવી છે. કંપનીએ 2019માં મારુતિ Eecpને પોતાની ઓફિશિયલ વેબસાઈટ પર અપડેટ કરી છે. ઉપરાંત નવી ઈકોનું સ્ટીયરિંગ વ્હીલ પણ બદલી નાખ્યું છે.

આ કારણે બંધ કરાયું પ્રોડ્કશન

સેવન્થ જનરેશન સુઝુકી સુપર કેરી પર બેઝ્ડ હોવાના કારણે ઓમનીને નવા નોર્મ્સ મુજબ અપગ્રેડ કરી શકાય તેમ નહોતું જેના કારણે કંપનીએ તેને બંધ કરવાનો નિર્ણય લેવો પડ્યો. આ MPVની માર્કેટમાં હજુ પણ સારી ડિમાન્ડ હતી. ઓક્ટોબર 2018 સુધીમાં કંપનીએ ઓમનીના 15.7 મિલિયન મોડલ્સ સેલ કરી ચૂકી હતી.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2I3CbG2