7 દિવસ રોજ રાત્રે જમવામાં ખાધુ પનીર ટિક્કા અને જે થયું તે ચમત્કારથી ઓછું નહોતુ

ઘરનું ખાતો હતો તો પણ વધ્યું વજન

મને પહેલાથી જ આમ તો ઘરનું ખાવાનું વધારે પસંદ હતું જેથી ભાગ્યે જ બહારનું આચરકુચર ખાતો હતો. જોકે તેમ છતા મારું વજન માત્ર 3 જ મહિનાના ગાળામાં ફટાફટ વધીને 78થી 86 પહોંચી ગયું હતું. પછી મને લાગ્યું કે કંઈક ખોટું છે મારે નિષ્ણાંતની સલાહ લેવી જોઈએ. જે બાદ મે મારા ન્યુટ્રિશનિસ્ટની મુલાકાત લીધી હતી. જેણે પહેલા તો મારી દૈનિકચર્યા જાણી. જે બાદ અમને બંનેને ખ્યાલ આવ્યો કે ભૂલ ક્યાં થતી હતી. જે સૌથી વધુ નુકસાનકારક બાબત હતી તે મારું ડિનર હતું.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ન્યુટ્રિશનિસ્ટની સલાહ પ્રમાણે શરું કર્યું પનીર ટિક્કા

આખો દિવસ ઓફિસમાં કામ કરીને થાક્યા પછી હું ઘરે રાત્રે ભરપેટ રોટલી, શાક, દાળ-ભાત જમતો હતો. જેના કારણે આ વજન વધ્યું હતુ. હવે મારા ન્યુટ્રિશનિસ્ટે કહ્યું કે મારે રોજ રાત્રે આ ભોજનની જગ્યાએ ફક્ત પનીર ટિક્કા જ ખાવાનું. જોકે રોજ રાત્રે ઓફિસથી ઘરે આવીને પનીર ટિક્કા બનાવવા જેટલો સમય થોડો હોય. પરંતુ એક રાહત હતી કે હું બહારનું પનીર ટિક્કા પણ ખાઈ શકું છું બસ શરત એટલી કે મારા સાંજે 7.30 પહેલા ખાઈ લેવાનું

પહેલા બહું ભાવ્યું પરંતુ પછી….

શરુ શરુમાં તો હું ક્યારે સાંજ પડે અને પનીર ટિક્કા ખાઉં તેની રાહ જોતો હતો. પહેલા દિવસે તો મે પનીર ટિક્કા ખાધું અને સવાર સુધી ભૂખ લાગી નહીં. સવારે પેટ પણ પ્રમાણમાં ઘણું હળવું લાગ્યું. પરંતુ બીજા દિવસે રાત્રે 9.30 વાગ્યે જ મને થોડી ભૂખ લાગી ગઈ પણ મે મન મક્કમ રાખ્યું અને ભૂખ વધારે હેરાન ન કરે માટે વહેલો સુઈ ગયો. જોકે બીજી દિવસે મારું પેટ જલ્દી તરત જ સાફ થઈ ગયું અને વધારે હળવુંફૂલ લાગતું હતું. એ સાથે જ ભૂખ પણ ખૂબ જ લાગી ગઈ હતી.

7 દિવસનું પરીણામ જોયું તો….

મે મારા ન્યુટ્રિશનિસ્ટ સાથે આ બાબતે વાત કરી તેમણે મને પનીર ટિક્કા ખાધા પહેલા એક પ્લેટ સલાડ ખાવાનું કહ્યું. જોકે બીજા બે દિવસ થયા ત્યાં તો મારું મન પનીર ટિક્કા ખાવાથી ઉભરાઈ ગયું હતું. આ માટે મે સાથે દહીં એડ કર્યું પરંતુ તેનાથી પણ ખાસ મજા ન આવી. હવે મને પનીર ટિક્કા ખાવાનો કંટાળો આવતો હતો. જોકે મને મારા ન્યુટ્રિશનિસ્ટે કહ્યું હતું કે મારે 7 દિવસ સુધી આ પ્રયોગ કરવાનો છે અને ત્યારબાદ જ વજન માપવાનું છે. જેવું મે આઠમા દિવસે વજન માપ્યું તો મારી ખુશીનો પાર ન રહ્યો. મારું વજન 1.5 કિલો ઘટી ગયું હતું.

15 દિવસમાં થયો આટલો ફેરફાર

આ પોઝિટિવ રિઝલ્ટ જોઈને હવે આઠમા દિવસે મે રોજ ઘરે જ ટિક્કા બનાવવાનું નક્કી કર્યું. તેના માટે જુદા જુદા મસાલા પણ લઈ આવ્યો જેથી અલગ અલગ ફ્લેવરના કારણે પનીર ટિક્કા બોરિંગ ના લાગે. બસ પછી શું મને મોટિવેશન મળી ગયું અને રોજ રાત્રે જમવામાં પનીર ટિક્કા સાથે બીજુ અઠવાડિયું પસાર થયું. વચ્ચે એક દિવસ મે ખાલી થિન ક્રસ્ટ પિઝ્ઝા ખાધા હતા. જોકે 15માં દિવસે જ્યારે મે મારું વજન તપાસ્યું તો 3 કિલો જેટલું ઘટી ગયું હતું.

આજે મારા ફેવરિટ છે પનીર ટિક્કા કેમ કે…

જે બાદ મારા ન્યુટ્રિશનિસ્ટે મારું ડાયેટ ચેન્જ કરી આપ્યું અને આજે હવે હું 65 કિલો વજન ધરાવું છું. જે મારા માટે એક સૌથી ઓછું વજન છે અને હું મારી જાતને ખૂબ જ હળવીફૂલ અનુભવું છું. પરંતુ મને સૌથી યાદગાર રહેશે તો ડાયેટ પ્લાનના પહેલા 15 દિવસ જેના કારણે મારામાં સૌથી વધુ ચેન્જ જોવા મળ્યો.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2UfMsp7