મુંબઈઃ મંગળવારે ભારતીય શેર માર્કેટ ભારે વધારા સાથે ખૂલ્યા છે. બોમ્બે સ્ટોક એક્સચેન્જમાં 31 શેર્સનો સૂચકાંક સેન્સેક્સ 134.46 પોઈન્ટના વધારા સાથે ખૂલતા સેન્સેક્સે 39000 હજારની સપાટી વટાવી 39,049.30 પોઈન્ટ પર ખૂલ્યો હતો. તો નેશનલ સ્ટોક એક્સચેન્જના 50 શેરનો સૂચકાંક નિફ્ટી પણ 45.85 પોઈન્ટની મજબૂતાઈ સાથે 11,736.20 પર ખૂલ્યો હતો.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
9.19 વાગ્યે સેન્સેક્સના 24 શેર્સમાં ખરીદી જ્યારે ફક્ત 7 શેરમાં વેચવાલી રહી હતી. તો નિફ્ટીના 44 શેર્સના ભાવ ઉપર ચઢ્યા હતા. જ્યારે ફક્ત 6 શેર્સમાં ભાવ તૂટતા જોઈ શકાતા હતા. શેરબજારના પ્રારંભીક કામકાજમાં સેન્સેક્સના જે શેર્સમાં તેજી જોવા મળી તેમાં ICICI બેંક (2.51%), કોલ ઇન્ડિયા (2.44%), હીરો મોટોકોર્પ (1.66%), વેદાંતા (1.52%) અને એશિયન પેઇન્ટ્સ(1.48%) ટોપ 5માં સામેલ હતા. તો નિફ્ટીમાં તેજીના ટોપ 5 શેર્સમાં કોલ ઇન્ડિયા 2.50%, ICICI બેંક 2.46%, ઇન્ડિયન ઓઇલ 2.44%, હીરો મોટોકોર્પ 1.75% અને એશિયન પેઇન્ટ્સ 1.65% જેટલા મજબૂત બન્યા હતા.
આ દરમિયાન સેન્સેક્સના જે શેરના ભાવમાં ઘટાડો જોવા મળ્યો હતો તેમાં ટાટા મોટર્સ DVR (0.94%), ટાટા મોટર્સ (0.91%), ઇન્ફોસિસ (0.61%), ટાટા સ્ટીલ (0.26%) અને HDFC બેંક (0.21%) સામેલ છે. તો બીજી તરફ નિફ્ટીમાં નબળું પ્રદર્શન કરી રહેલા શેર્સમાં ટાટા મોટર્સ 1.19%, ઇન્ફોસિસ 0.86%, ટાટા સ્ટીલ 0.57%, HDFC બેંક 0.31% અને હિંદુસ્તાન લીવરના શેર 0.03% સુધી નબળા જોવા મળ્યા હતા.
9.26 વાગ્યે નિફ્ટી રીયલ્ટી સીવાય તમામ સૂચકાંક ગ્રીન કલરમાં જોવા મળતા હતા. જે દરમિયાન સેન્સેક્સ 207.26 પોઈન્ટ અને નિફ્ટી 55.60 પોઈન્ટ્સના વધારા સાથે ક્રમશઃ 39,113.10 અને 11,745.95 પર ટ્રેન્ડ કરી રહ્યા હતા.
from Page Array – I Am Gujarat http://bit.ly/2Pa03Zp
No comments:
Post a Comment