40થી વધુ ઉંમરના 33 % પુરુષોમાં સેક્સ હોર્મોનની ઊણપ

પુરુષોમાં સેક્સુઅલ હોર્મોનની ઊણપ

નવી દિલ્હીઃ 40 વર્ષથી વધુ ઉંમરના દરેક ત્રીજા પુરુષમાં સેક્સુઅલ હોર્મોનની ઊણપ જોવા મળી રહી છે. તેને ટેસ્ટોસ્ટેરૉન ડિફિશિઅંશી સિંડ્રોમ કહેવામાં આવે છે. 745 લોકો પર કરવામાં આવેલી એક સ્ટડીમાં આ વાત સામે આવી છે. તેમ છતા લોકો સારવાર માટે આગળ આવતા નથી. હવે મહિલાઓની જેમ પુરુષોમાં પણ સેક્સ હોર્મોન્સ રીપ્લેસમેન્ટ સંભવ થઈ ગયું છે. સર્વેમાં 60.17 ટકા લોકો ટેસ્ટોસ્ટેરૉન ડિફિશિઅંસી સિંડ્રોમના દર્દીઓ હોવાનું સામે આવ્યું. ડાયાબિટીઝ, હાઈપરટેંશન અને હાર્ટના દર્દીઓમાં ટીડીએસનું જોખમ વધારે મળી આવ્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પુરુષોમાં સેક્સુઅલ ક્ષમતા જાળવી રાખે છે ટેસ્ટોસ્ટેરૉન

ટેસ્ટોસ્ટેરૉન પુરુષોમાં સેક્સુઅલ ક્ષમતાને જાળવી રાખે છે. પરંતુ જ્યારે તેની ઊણપ આવે છે ત્યારે સેક્સ સંબંધી મુશ્કેલીઓ શરૂ થાય છે. 40 વર્ષની ઉંમર પછી ટેસ્ટોસ્ટેરોનનું લેવલ દર વર્ષે 0.4 થી 2.6 ટકા ઘટે છે. ડોક્ટરોનું કહેવું છે કે આ સમસ્યા સતત વધી રહી છે.

સ્ટડીમાં 10 પ્રશ્નો પુછવામાં આવ્યા

ડોક્ટરે જણાવ્યું કે સ્ટડીમાં તેમને 10 પ્રશ્ન પુછવામાં આવ્યા. જેમાં સેક્સ પ્રતિ તેમનો રસ એટલે કે કામેચ્છા, ક્ષમતા એટલે કે સ્ટેમિના અને સ્ટ્રેન્થમાં ઘટાડો જેવા ત્રણ લક્ષણોના આધાર પર 48.18 ટકા લોકોમાં ટેસ્ટોસ્ટેરૉન ઓછું મળી આવ્યું. પરંતુ જ્યારે તેમનો બાયોકેમિકલ ટેસ્ટ કરવામાં આવ્યો તો આંકડો વધીને 60.17 ટકા થઈ ગયો.

લોકોએ સારવાર કરાવવી જોઈએ

ડો મૃણાલ પહવા જણાવે છે કે લોકોને જ્યારે ખબર પડે છે કે તેમના શરીરમાં સેક્સ હોર્મોનની ઊણપ છે તો તેઓ સમાજના ડરને કારણે ડોક્ટર પાસે જતા નથી. લોકોએ એ ન ભૂલવું જોઈએ કે આ એક પ્રકારની બિમારી છે અને તેની સારવાર શક્ય છે. હવે હોર્મોન રીપ્લેસમેન્ટની સુવિધા શરૂ થઈ ગઈ છે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – I Am Gujarat http://bit.ly/2VSlLDI