એજન્ટ કરતા પોતાની જાતે ટૂર પ્લાન કરો, થશે અઢળક ફાયદા

જાતે ટૂર પ્લાન કરવાનો ક્રેઝઃ

અમદાવાદઃ અમદાવાદના સોશિયલ આંત્રપ્રોન્યોર મોહિત મંગલ દર વર્ષે કમસેકમ બે વખત લાંબી રજાઓ પર જાય છે. જ્યારે પણ વીકેન્ડની આસપાસ રજા આવતી હોય તો તે ટૂંકી ટ્રિપ પણ મારે છે. હોલિડે પ્લાન કરતા પહેલા તે ઈન્ટરનેટ પર જગ્યા વિષે બરાબર રિસર્ચ કરે છે. તે કોની સાથે ટ્રાવેલ કરી રહ્યા છે તે ધ્યાનમાં રાખીને પોતાનો પ્લાન તૈયાર કરે છે અને જાતે જ બધા બુકિંગ કરે છે. તેઓ જણાવે છે, “ઈન્ટરનેટ પરથી મને વિવિધ જગ્યાઓ વિષે માહિતી મળી રહે છે. આ ઉપરાંત ક્યાં રહેવું, કેવી રીતે ત્યાં પહોંચવું વગેરે પણ ટ્રાવેલર્સના રિવ્યુ પરથી નક્કી કરી શકાય છે. ઈન્ટરનેટની મદદથી હું ન માત્ર મારા બજેટ મુજબ પણ સાથે સાથે મારી પસંદગી મુજબ ટ્રાવેલ પ્લાન કરી શકું છું.” આ ઉનાળામાં તે સિક્કિમ જઈ રહ્યા છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

ઈન્ટરનેટ કરે છે મદદઃ

ડિજિટલ એજમાં ઈન્ટરનેટનો વપરાશ વધતા હવે ગુજરાતી ટ્રાવેલર્સ હોલિડે ડેસ્ટિનેશન વિષે વધુ જાણકારી મેળવતા થયા છે. તે પોતાની પસંદગી અંગે ખૂબ જ સ્પષ્ટ હોય છે અને સીધા કોઈ ટૂર એજન્ટની મદદ લેવાને બદલે જાતે ટ્રાવેલ પ્લાન કરે છે. આને કારણએ કસ્ટમાઈઝ્ડ ઈન્ટરનેશનલ હોલિડેનું પ્રમાણ પણ છેલ્લા પાંચ વર્ષમાં લગભગ બમણું થઈ ગયું છે.

બજેટ પણ સચવાયઃ

ટ્રાવેલ એજન્ટ્સ ફેડરેશન ઑફ ઈન્ડિયા (TAFI)ના જીગર દુડાકિયાએ જણાવ્યું, “પાંચ વર્ષ પહેલા માંડ 20 ટકા ટ્રાવેલર્સ જાતે ઈન્ટરનેશનલ ટૂર પ્લાન કરતા હતા. પરંતુ હવે આ દર 50 ટકા જેટલો ઊંચો છે. ન્યુ એજ ટ્રાવેલર્સ તે જે જગ્યાની મુલાકાત લેવાના છે તેના વિષે બધું જ વાંચી લે છે અને બજેટ પ્રમાણે કસ્ટમાઈઝ્ડ ટૂર પ્લાન કરે છે.”

ગુજરાતીઓ પ્લાન કરે છે વિદેશની ટૂરઃ

તમને જાણીને નવાઈ લાગશે પણ ગુજરાતીઓ યુ.એસ, કેનેડામાં અલાસ્કા ક્રુઝ, કેનેડામાં રોકીઝ ટૂર્સ, સ્પેનમાં એડવેન્ચર સ્પોર્ટ્સ, સ્કોટલેન્ડના મનોહર ગામડામાં ફરવાનો પ્લાન, જાપામાં ચેરી બ્લોસમ સીઝનમાં મુલાકાત અને ફ્રેન્ચ ઓપન જેવી સ્પોર્ટ્સ ટૂર્નામેન્ટ માટે ટ્રાવેલ પણ જાતે જ પ્લાન કરે છે. TAFIના સેક્રેટરી મનીષ શર્મા જણાવે છે, “25-45 વર્ષની ઉંમરના ટ્રાવેલર્સ કસ્ટમાઈઝ્ડ ટ્રાવેલિંગ વધુ પસંદ કરે છે. હવે અમુક પરિવારો ચોક્કસ રિક્વાયરમેન્ટ સાથે ટૂર્સ પ્લાન કરતા થયા છે.”

આવા સંજોગોમાં પણ ફાયદોઃ

ઘણા લોકો પોતાના પેટ્સ સાથે પણ ટ્રાવેલ કરે છે. તેમાં મુશ્કેલી એ છે કે મોટાભાગની હોટેલ્સ પેટ ફ્રેન્ડલી નથી હોતી. પોતાની ટૂર જાતે પ્લાન કરનારી રીચા ચૌધરી જણાવે છે, “હું ગોવા અને હિમાચલ પ્રદેશ મારા ડોગ્સને લઈને ગઈ હતી પરંતુ રૂટ બરાબર પ્લાન કર્યો હોવાથી ખાસ તકલી ન પડી.” રીચા હવે તેની ફ્રેન્ડ સાથે યુરોપ ફરવા જઈ રહી છે. તે જણાવે છે, “અમે રોડ ટ્રિપ પસંદ કરી, ક્યાં રોકાવું તે નક્કી કર્યું અને હોમ સ્ટે બુક કરાવ્યા જેથી અમે ગામડા અને ઓછી જાણીતી જગ્યાઓ પણ જોઈ શકે.” તેણે વધુમાં જણાવ્યું, “અમે નેધરલેન્ડ્સ, ફ્રાન્સ, જર્મની અને બેલ્જિયમ ગયા ત્યારે મેં અને મારા ફ્રેન્ડે ગેલેરીઝ અને ફેસ્ટિવલ્સ એન્જોય કર્યા હતા. એક અઠવાડિયાના રિસર્ચ બાદ અમે ફરવાની જગ્યાઓ નક્કી કરી હતી.હવે અમે ટૂંક જ સમયમાં બુકિંગ્સ કરાવીશું જેથી અમે વિઝા માટે એપ્લાય કરી શકીએ.”

from Lifestyle Tips in Gujarati, જીવનશૈલી ટીપ્સ, Daily Lifestyle Tips – I Am Gujarat http://bit.ly/2DjNAh8