નવી દિલ્હીઃ શ્રીલંકામાં પાછલા ચાર દિવસોમાં ફરી એકવાર બોમ્બ બ્લાસ્ટ થયો છે. રાજધાની કોલંબોથી 40 કિલોમીટર દૂર આજે (25 એપ્રિલ 2019) પુગોડા શહેરમાં બ્લાસ્ટનો અવાજ સંભળાયો છે. સમાચાર એજન્સી રોયટર અનુસાર શ્રીલંકાની રાજધાની કોલંબોથી 40 કિમી પૂર્વમાં સ્થિત પુગોડા શહેરમાં બ્લાસ્ટનો અવાજ સંભળાયો. આ બ્લાસ્ટમાં કોઈના ઘાયલ થવાની જાણકારી મળી શકી નથી.
Reuters: Blast heard in Pugoda town, 40 km east of Sri Lankan capital Colombo
— ANI (@ANI) April 25, 2019
ઉલ્લેખનીય છે કે શ્રીલંકામાં ઈસ્ટર સંડે દરમિયાન થયેલા ફીદાયીન હુમલામાં બોમ્બ બ્લાસ્ટમાં મૃતકોની સંખ્યા 359 થઈ ગઈ છે. જે બાદ મોટા સ્તર પર તપાસ અભિયાન શરૂ કરવામાં આવ્યું છે અને આ સંબંધમાં મંગળવારે ઘણા લોકોની ધરપકડ પણ થઈ છે. આતંકી સંગઠન આઈએસઆઈએ શ્રીલંકામાં થયેલા આઠ બ્લાસ્ટની જવાબદારી લીધી હતી અને હુમલાને અંજામ આપનારા ફીદાયીનને પણ ઓળખી લેવાયો છે. ઈસ્ટર સંડેના દિવસે ચર્ચો અને હોટલોને નિશાન બનાવી સાત ફીદાયીને હુમલાને અંજામ આપ્યો હતો.
કોલંબોના સેન્ટ એન્થની ચર્ચ, પશ્ચિમી તટીય શહેર નેગોમ્બોના સેન્ટ સેબેસ્ટિયન ચર્ચ અને બટ્ટિકલોવાના જિયોન ચર્ચામાં હુમલા થયા હતા. ઉપરાંત ફાઈવ સ્ટાર હોટલો- શાંગરી લા, સિનામોન ગ્રાન્ડ અને કિંગ્સબરીને પણ ટાર્ગેટ કરાઈ હતી. હવે આ હુમલા બાદ એક સીસીટીવી ફૂટેજ સોશિયલ મીડિયા પર વાઈરલ થયો છે જે ખૂબ હેરાન કરનારો હતો. શ્રીલંકાના સાંગરી-લા હોટલના આ સીસીટીવી ફૂટેજમાં એક શંકાસ્પદ આતંકવાદીને જોઈ શકાય છે.
શ્રીલંકામાં આ અત્યાર સુધીની સૌથી મોટી આતંકી ઘટના હતી. મૃતકોમાં 36 જેટલા વિદેશી નાગરિકો શામેલ હતા. જેમાં ચૂંટણી પ્રચાર બાદ ફરવા માટે શ્રીલંકા ગયેલા JDSના નેતાઓ તથા અન્ય ભારતીય નાગરિકો પણ શામેલ હતા.
ઈસ્ટર સંડે પર થયેલા 8 શ્રેણી બદ્ધ બ્લાસ્ટ બાદ સોમવારે બોમ્બ ડિસ્પોઝલ સ્ક્વોડ જ્યારે બોમ્બને નિષ્ક્રિય કરવાનો પ્રયાસ કરી રહ્યા હતા ત્યારે બ્લાસ્ટ થયો હતો. ઉપરાંત બસ સ્ટેન્ડ નજીકથી 87 જેટલા ડિટોનેટર મળી આવ્યા હતા.
from Page Array – I Am Gujarat http://bit.ly/2IHKwQe
No comments:
Post a Comment