શું તમને ખબર છે વિશ્વના સૌથી મોટા મંદિર વિશે?
જ્યારે વિશ્વના સૌથી મોટા મંદિરોનો ઉલ્લેખ કરવામાં આવે છે તો મોટાભાગના લોકો તમિલનાડુના શ્રી રંગનાથસ્વામી મંદિરને વિશ્વનું સૌથી મોટું મંદિર કહે છે. પણ, તમને જાણીને આશ્વર્ય થશે કે 6 લાખ 31 હજાર વર્ગ મીટરમાં ફેલાયેલું આ મંદિર વિશ્વનું સૌથી મોટું મંદિર નથી.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
આ છે દુનિયાની સૌથી મોટું મંદિર
વિશ્વનું સૌથી મોટું મંદિર ભારતમાં નથી. તે કમ્બોડિયા દેશમાં આવેલું છે. અંકોરબાટ નામનું આ મંદિર સિમરિપ શહેરમાં મીકાંગ નદીના કિનારે બનાવવામાં આવેલું છે. ભગવાન વિષ્ણુના આ મંદિરનું ક્ષેત્રફળ 8 લાખ 20 હજાર ચોરસ મીટર છે.
41 વર્ષ ચાલ્યું હતું નિર્માણકાર્ય
ઈ.સ. 1112થી 1153 દરમિયાન બનાવવામાં આવેલું આ મંદિર દિલ્હીના અક્ષરધામ મંદિરથી આશરે 4 ગણું મોટું છે, જ્યારે દિલ્હીના જ બિરલા મંદિરથી તે આશરે 27 ગણું મોટું છે. ઈતિહાસકારો અનુસાર મંદિરનું નિર્માણ રાજા સૂર્યવર્મન દ્વિતીયના શાસનકાળમાં કરવામાં આવ્યું હતું. આ મંદિરનું ચિત્ર કમ્બોડિયાના રાષ્ટ્રીય ધ્વજમાં પણ છાપવામાં આવ્યું છે. યુનેસ્કો દ્વારા આ સ્થળ વર્લ્ડ હેરિટેજનો દરજ્જો મળી ચૂક્યો છે. આ મંદિરને સૌથી પ્રખ્યાત ધાર્મિક સ્થળોમાં સ્થાન મળે છે. આ મંદિરને કમ્બોડિયાના લોકો ‘પાણીમાં ડૂબેલો મંદિરનો બગીચો’ કહે છે.
આજુબાજુ ખીણથી ઘેરાયેલું છે આ મંદિર
મંદિરની સૌથી ખાસ વાત એ છે કે, તેની ચારેબાજુ ખીણ રૂપી સુરક્ષા કવચ છે. જેની પહોળાઈ 700 ફૂટની નજીક છે. ઈતિહાસકારોનું માનવું છે કે, પહેલા કમ્બોડિયાની તમામ વસ્તી હિન્દુ ધર્મને માનનારી હતી રણ ધીમે-ધીમે બીજા ધર્મોએ અહીં પોતાનો પ્રભાવ જમાવ્યો. આજે કમ્બોડિયાની 95 ટકા વસ્તી બૌદ્ધ ધર્મને અનુસરે છે.
મથુરામાં બની રહ્યું છે દુનિયાનું સૌથી ઊંચું મંદિર
જણાવી દઈએ કે, હાલમાં ઉત્તર પ્રદેશના મથુરામાં વિશ્વનું સૌથી ઊંચુ મંદિર નિર્માણાધીન છે. ચંદ્રોદય મંદિરની ઊંચાઈ સૌથી ઊંચી ધાર્મિક ઈમારતોથી વધુ છે. ઈસ્કૉન સંસ્થા દ્વારા બનાવવામાં આવી રહેલી આ 70 માળની ઈમારતની ઊંચાઈ 700 ફૂટ હશે. અત્યારે 558 ફૂટની ઊંચાઈ સાથે બાર્સેલોનાની સાગાર્દા ફેમિલિયા સૌથી ઊંચી ધાર્મિક ઈમારત છે.
from Dharma Adhyatma News in Gujarati: Latest Dharma Adhyatma News, Read Breaking Dharma Adhyatma News on Iamgujarat.com – Page Array – I Am Gujarat http://bit.ly/2XEpFk5
No comments:
Post a Comment