ધવન-ઐયરની ફીફ્ટી. દિલ્હીએ પંજાબને 5 વિકેટે હરાવ્યું

ધવન-ઐયર ઝળક્યા, દિલ્હીની જીત

ઓપનર શિખર ધવન(56) અને શ્રેયસ ઐયર (58*)ની શાનદાર અર્ધસદીઓની મદદથી દિલ્હી કેપિટલ્સે કિંગ્સ ઈલેવન પંજાબને 5 વિકેટે હરાવી દીધી. પંજાબના 164 રનના ટાર્ગેટને દિલ્હીએ 19.4 ઓવરમાં 5 વિકેટ ગુમાવી પાર કરી લીધો હતો. આ દિલ્હીની છઠ્ઠી જીત છે.

ઐયરે છેક સુધી સાચવી રાખ્યો છેડો

164 રનના ટાર્ગેટના જવાબમાં દિલ્હીએ 24 રનના સ્કોરે ઓપનર પૃથ્વી શો (13)ને ગુમાવ્યા બાદ શિખર ધવન (56) અને કેપ્ટન શ્રેયસ ઐયર(58*) વચ્ચે 92 રનની મેચ વિનિંગ ભાગીદારી નોંધાઈ હતી. જોકે, બાદમાં રિષભ પંત (6), કૉલિન ઈન્ગ્રામ (19) અને અક્ષર પટેલ(1)ની વિકેટો ઝડપથી પડી જતા દિલ્હી મુસીબતમાં આવી ગઈ હતી પણ ઐયરે છેક સુધી ઊભા રહી ટીમને જીત સુધી પહોંચાડી હતી.

ગેઈલના 69, બાકીના બેટ્સમેનો રહ્યાં ફ્લોપ

અગાઉ દિલ્હીએ ટૉસ જીતી પંજાબને પ્રથમ બેટિંગ આપી હતી. પંજાબ તરફથી ક્રિસ ગેઈલે 37 બોલમાં છ ચોગ્ગા અને 5 છગ્ગાની મદદથી 69 રન બનાવ્યા હતા. જોકે, તેને બાદ કરતા ટૉપ ઓર્ડર ફેલ રહ્યો હતો. અંતમાં મનદીપ સિંહ (30), કેપ્ટન રવીચંદ્રન અશ્વિન (16) અને હરપ્રીત બ્રાર (20)ની ઉપયોગી ઈનિંગની મદદથી પંજાબે 20 ઓવરમાં 7 વિકેટે 163 રન બનાવ્યા હતા. દિલ્હી માટે સંદીપ લમિછાનેએ 3, રબાડાએ 2 જ્યારે અક્ષર પટેલે 2 વિકેટો ઝડપી હતી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2GoEjVD