નવી દિલ્હી:દેશનાં 14 રાજ્યની 116 બેઠક પર મંગળવારે મતદાન સાથે 50 ટકાથી વધુ લોકસભા ચૂંટણી પૂરી થઈ છે. આ સાથે કુલ 543માંથી 304 બેઠક પર મતદાન પૂરું થયું છે. લોકસભા ચૂંટણીના કુલ સાત તબક્કામાંથી આ રાઉન્ડ શાસકપક્ષ ભાજપ અને NDA માટે મહત્ત્વનો છે. 2014માં ભાજપને 62 બેઠક પર વિજય મળ્યો હતો.
કોંગ્રેસ અધ્યક્ષ રાહુલ ગાંધીએ મંગળવારે વાયનાડ અને અમિત શાહે ગાંધીનગર બેઠક પર મતદાન કર્યું હતું. સમાજવાદી પાર્ટી અને બહુજન સમાજવાદી પાર્ટીના મહાગઠબંધનની મૈનપુરીમાં કસોટી હતી, જ્યાં સમાજવાદી પાર્ટીના વરિષ્ઠ નેતા મુલાયમસિંઘ યાદવે ચૂંટણીજંગમાં ઝંપલાવ્યું હતું. ચૂંટણીના પ્રથમ અને બીજા તબક્કાની જેમ ત્રીજા રાઉન્ડનું મતદાન પણ 2014ની ટકાવારીની આસપાસ રહ્યું હતું. પશ્ચિમ બંગાળમાં 6 મતદાન થયું હતું.
જડબેસલાક સુરક્ષા વચ્ચે જમ્મુ-કાશ્મીરના અનંતનાગમાં સૌથી ઓછા 13.61 ટકા મત પડ્યા હતા. ગુજરાત અને કેરલની બધી બેઠકો માટે મંગળવારે એક જ તબક્કામાં મતદાન થયું હતું. કોંગ્રેસ અધ્યક્ષ અમેઠી સિવાય કેરલની વાયનાડ બેઠક પર પણ ઊભા રહ્યા હતા, જ્યાં 76.21 ટકા વોટિંગ થયું હતું.
ઓડિશામાં 61 ટકા, પશ્ચિમ બંગાળમાં 78.97 ટકા, અસમમાં 71.47 ટકા, બિહારમાં 54.91 ટકા અને ત્રિપુરામાં 77.28 ટકા મતદાન થયું હતું. વરુણ ગાંધીએ પીલીભીત બેઠક પર મતદાન કર્યું હતું. ત્રીજા તબક્કામાં કેટલાક મહારથીઓ વચ્ચે રસપ્રદ ટક્કર હતી. જેમાં આઝમ ખાન અને જયા પ્રદા વચ્ચે ટક્કર હતી. કોંગ્રેસના વરિષ્ઠ નેતા મલ્લિકાર્જુન ખડગે અને NCPના વડા શરદ પવારનાં પુત્રી સુપ્રિયા સુળેને મજબૂત હરીફનો સામનો કરવો પડ્યો હતો. ઓડિશામાં છ લોકસભા બેઠક ઉપરાંત, 42 વિધાનસભા સીટ પર પણ મતદાન થયું હતું. કર્ણાટક અને ઉત્તર-પૂર્વનાં રાજ્યોની પાંચ બેઠક પર પણ મંગળવારે મતદાન થયું હતું.
from Page Array – I Am Gujarat http://bit.ly/2WbB0Yk
No comments:
Post a Comment