પંતના વિસ્ફોટક 78*, દિલ્હીએ ચેઝ કર્યા 192 રન
રિષભ પંતના 36 બોલમાં વિસ્ફોટક 78* અને શિખર ધવનના 27 બોલમાં શાનદાર 54 રનની મદદથી IPL12ની 40મી મેચમાં દિલ્હી કેપિટલ્સે રાજસ્થાન રૉયલ્સને 6 વિકેટે હરાવી દીધું. રાજસ્થાનના 191 રનના જવાબમાં દિલ્હીએ 4 બોલ બાકી રહેતા 4 વિકેટ ગુમાવી જીત મેળવી લીધી હતી. આ જીત સાથે દિલ્હીના 12 પોઈન્ટ્સ થઈ ગયા છે અને તે પૉઈન્ટ ટેબલમાં ત્રીજા સ્થાને પહોંચી ગયું છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
ધવનની ઝંઝાવાતી ફિફ્ટી, પંતે પણ સર્જ્યું તોફાન
192 રનનો પીછો કરવા ઉતરેલી દિલ્હીની ટીમે શાનદાર શરૂઆત કરી હતી. ખાસ કરીને છેલ્લી 3-4 મેચોથી ફોર્મમાં દેખાઈ રહેલા શિખર ધવન(54) તાબડતોબ બેટિંગ કરી રાજસ્થાનના બોલિંગ એટેકને વેરવિખેર કરી દીધી હતી. ધવને 27 બોલમાં 8 ચોગ્ગા અને 2 સાથે 54 રન બનાવ્યા હતા. તેણે પૃથ્વી શો સાથે મળી 45 બોલમાં 72 રનની ભાગીદારી કરી હતી. જોકે, બાદમાં ધવન અને કેપ્ટન શ્રેયસ ઐયર (4)ની વિકેટો માત્ર પાંચ રનના ગાળામાં પડી જતા લાગ્યું કે, દિલ્હી મુશ્કેલીમાં આવી જશે પણ ચોથા ક્રમે આવેલા પંતે રાજસ્થાનની તમામ ગણતરીએ અવળી કરી દીધી હતી. તેણે શો સાથે મળી ત્રીજી વિકેટ માટે 47 બોલમાં 84 રનની ભાગીદારી નોંધાવી હતી. પંતે 36 બોલમાં 6 ચોગ્ગા અને 4 છગ્ગાની મદદથી અણનમ 78 રન ફટકાર્યા હતા. બાદમાં દિલ્હીએ 2 વિકેટ ઝડપથી ગુમાવી હતી પણ ત્યાં સુધી તેની જીત લગભગ નક્કી થઈ હતી. આખરે પંતે સિક્સ ફટકારી ચાર બોલ બાકી રહેતા ટીમને જીત અપાવી દીધી હતી.
રહાણેની સેન્ચુરી, RRએ બનાવ્યા 191 રન
અગાઉ દિલ્હીએ ટૉસ જીતી રાજસ્થાનને બેટિંગ આપવાનો નિર્ણય લીધો હતો. ઓપનર અજિંક્ય રહાણેએ ફરી એકવાર પોતાની ટી20ના બેટ્સમેન તરીકેની કાબેલિયત પર આંગળી ચિંધનારા લોકોની બોલતી બંધ કરાવી અને શાનદાર સેન્ચુરી ફટકારી હતી. તેણે 20 ઓવર બેટિંગ કરી હતી અને 63 બોલમાં 11 ચોગ્ગા અને 3 છગ્ગાની મદદથી અણનમ 105 રન બનાવ્યા હતા. રહાણેએ કેપ્ટન સ્ટિવ સ્મિથ (50) સાથે મળીને બીજી વિકેટ માટે 130 રનની ભાગીદારી નોંધાવી હતી. જોકે, આ બંને સિવાયના બેટ્સમેનો નિષ્ફળ રહેતા એક સમયે આરામથી 200 રનનો સ્કોર વટાવી શકવાની સ્થિતિમાં ઊભેલી રાજસ્થાન 20 ઓવરના અંતે 6 વિકેટે 191 રન જ બનાવી શક્યું હતું.
from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2ZrCFv5
No comments:
Post a Comment