હૈદરાબાદને 7 વિકેટે હરાવી રાજસ્થાને પ્લેઑફની આશા જીવંત રાખી

સંજુની શાનદાર બેટિંગ, રૉયલ્સનો વિજય

સંજુ સેમસનના અણનમ 48 લાયમ અને લિવિંગસ્ટોનના 44 રનની મદદથી રાજસ્થાન રૉયલ્સે સનરાઈઝર્સ હૈદરાબાદને 7 વિકેટે હરાવી દીધુ. હૈદરાબાદના 160 રનના જવાબમાં રાજસ્થાને 3 વિકેટ ગુમાવી ટાર્ગેટ પાર કરી લીધો. આ જીત સાથે રાજસ્થાને પોતાની પ્લેઑફમાં પહોંચવાની આશાને જીવંત રાખી છે.

રૉયલ્સના ટોપ ઓર્ડરનો શાનદાર દેખાવ

161 રનના ટાર્ગેટનો પીછો કરતા RRના ઓપનર્સ અજિંક્ય રહાણે(39) અને લિયામ લિવિંગસ્ટોને (44) પ્રથમ વિકેટ માટે 78 રનની શાનદાર ભાગીદારી નોંધાવી હતી. અહીંથી જ રાજસ્થાનની જીતનો પાયો નંખાયો હતો. બાદમાં ત્રીજા ક્રમે આવેલા સંજુ સેમસને પણ શાનદાર બેટિંગ કરતા અણનમ 48 રનની ઈનિંગ્સ રમી હતી. રાજસ્થાને મેચમાં દરેક સ્થિતિએ મજબૂત પકડ બનાવી રાખી હતી અને 5 બોલ બાકી રહેતા જ 7 વિકેટે વિજય મેળવી લીધો હતો. આ સિઝનમાં રાજસ્થાને આ પાંચમી જીત મેળવી છે.

પાંડેના 61, હૈદરાબાદે બનાવ્યા 160 રન

અગાઉ સનરાઈઝર્સ હૈદરાબાદ મનીષ પાંડેના 61 અને ડેવિડ વૉર્નરના 37 રનની મદદથી હૈદરાબાદે 20 ઓવરના અંતે 8 વિકેટે 160 બનાવ્યા હતા. એક સમયે હૈદરાબાદનો સ્કોર 2 વિકેટે 121 રન હતો જ્યાંથી તેનો ધબડકો થયો હતો અને આખરે 8 વિકેટે 160 રને જ સમેટાઈ ગયું હતું. રાજસ્થાન તરફથી વરુણ એરોન, ઓશેન થોમસ, શ્રેયસ ગોપાલ અને જયદેવ ઉનડકટે 2-2 વિકેટ લીધી હતી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2UNdu2o