IPL 12: બેટ્સમેન કેચ આઉટ થયો કે સ્ટમ્પિંગ? અમ્પાયર પણ ગોથા ખાઈ ગયા😂😂

સનરાઈઝર્સ સામે રોયલ્સની જીત

રાજસ્થાન રોયલ્સ અને સનરાઈઝર્સ હૈદરાબાદ વચ્ચે રમાયેલી આપીએલની 45મી મેચમાં રાજસ્થાને હૈદરાબાદને સાત વિકેટે હરાવી દીધું. આ જીત સાથે જે રાજસ્થાન રોયલ્સે લીગમાં ક્વોલિફાય થવાની આશાઓ જીવંત રાખી છે. આ મેચમાં રાજસ્થાને પહેલા બોલિંગ અને બાદમાં બેટિંગમાં સારું પ્રદર્શન કર્યું. જોકે કે તેમની ફિલ્ડીંગ ખરાબ રહી પરંતુ મેચમાં શ્રેયસ ગોપાલનું સારું પરફોર્મન્સ રહ્યું અને તેણે યોગ્ય સમય પર ટીમને વિકેટ અપાવી. પરંતુ હૈદરાબાદના બેટ્સમેન મનીષ પાંડેની વિકેટ તેણે એકદમ અલગ અંદાજમાં લીધી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મેચમાં અમ્પાયર ગોથે ચઢ્યા

મનીષ શાનદાર બેટિંગ કરતા હૈદરાબાદને સારી શરૂઆત અપાવી. એવું લાગી રહ્યું હતું કે જો તે બેટિંગ કરતો રહેશે તો હૈદરાબાદ 180 સુધી પહોંચી જશે. પરંતુ ગોપાલનો એક બોલ મનીષ મીસ કરી ગયો. મનીષ તેને થર્ડ મેન તરફ રમવા ઈચ્છતો હતો પરંતુ બોલ વિકેટકીપર પાસે જતો રહ્યો. આ દરમિયાન મનીષ પોતાનું નિયંત્રણ ગુમાવી બેઠો અને રાજસ્થાનના વિકેટકીપર સંજૂ સેમસને સ્ટમ્પિંગ કરી દીધી. ગોપાલ કેચ માટે અમ્પાયરને અપીલ કરી રહ્યો હતો જ્યારે સંજૂ સ્ટમ્પિંગ માટે. કન્ફ્યૂઝ થયેલા અમ્પાયરે થર્ડ અમ્પાયરને પૂછ્યું અને થર્ડ અમ્પાયરે તેને કેચ આઉટ આપ્યો.

હૈદરાબાદ માટે મનીષ પાંડે ઝળક્યો

જણાવી દઈએ કે મેચમાં ટોસ જીતીને પહેલા બેટિંગ કરવા ઉતરેલી સનરાઈઝર્સ હૈદરાબાદને રાજસ્થાન રોયલ્સના બોલર્સે મોટો સ્કોર ન બનાવવા દીધો. હૈદરાબાદ માટે મનીષ પાંડેએ આક્રામક અડધી સદી ફટકારી તેમ છતાં હૈદરાબાદની ટીમ 8 વિકેટે 160 રન જ બનાવી શકી.

ફરી ફોર્મમાં આવી રોયલ્સની ટીમ

જવાબમાં રાજસ્થાનની ઓપનિંગ જોડી અજિંક્ય રહાણે અને લિવિંગસ્ટોને સારી બેટિંગ કરતા 78 રનની પાર્ટનરશિપ કરી. લિવિંગસ્ટોને 26 બોલમાં 44 રન જ્યારે રહાણેએ 34 બોલમાં 39 રન બનાવ્યા. બાદમાં સંજૂ સેમસને અણનમ 32 બોલમાં 48 રનની ઈનિંગ રમીને ટીમને જીત અપાવી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2ZHvf7a