આ 8 વાત પરથી જાણો તમારા પતિ ખોટું બોલી રહ્યાં છે કે નહીં

આવી રીતે સમજો પતિનું જુઠાણું

એવું કહેવાય છે કે સંબંધોની ઈમારત વિશ્વાસના પાયા પર ઉભી રહે છે. જોકે, લગ્ન સંબંધ પછી ઘણી પત્નીઓ એવો અનુભવ કરે છે કે તેમના પતિ તેમની પાસે ખોટું બોલી રહ્યાં છે. મહિલાઓ સાચું શું છે એ માહિતી મેળવવા માટે અનેક રીત અજમાવે છે. આ જ વાત તેમને ખૂબ મેન્ટલ સ્ટ્રેસ પણ આપે છે. જો તમે પણ આ જ સ્થિતિમાંથી પસાર થઈ રહ્યાં હોવ તો આ 8 વાતો તમારી મદદ કરી શકે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સવાલ પૂછતાં ગુસ્સો કરવો

જો તમારો પાર્ટનર ફોન પર વાત અથવા ચેટ કરી રહ્યાં હોય અને તમે એવું પૂછો કે કોની સાથે વાત કરી રહ્યાં છો અને તે ગુસ્સે થઈ જતો હોય તો તમારે માનવું જોઈએ કે તે એ વિશે વાત કરવા નથી ઈચ્છતો. તમારા વારંવાર પૂછવા છતાં તે સીધો જવાબ ન આપે તો તમારે સમજવું જોઈએ કે તે સત્ય છુપાવવા ઈચ્છે છે.

પહેલા પણ બોલી ચૂક્યા ખોટું

કોઈને ખોટું બોલવાની આદત હોય અને તેને અવગણવી તે તમારા સંબંધો પર ભારે પડી શકે છે. જો તમારો પાર્ટનર પહેલા પણ તમારી પાસે ખોટું બોલતો આવ્યો હોય અને શક કરવા પર પણ ફેરવી-ફેરવીને જવાબ આપતો હોય તો તેની વાતને સાચું માનતા પહેલા બે વાર વિચારવું વધારે યોગ્ય રહેશે.

નજરો ન મેળવી શકવી

આ મનોવૈજ્ઞાનિક તર્ક છે કે ખોટું બોલનાર નજર સાથે નજર મેળવીને વાત કરી શકતો નથી. જો તમારો પતિ પણ આવું જ કરી રહ્યો હોય તો તે કશુંક છુપાવી રહ્યો છે.

વારંવાર ઈમાનદારીની વાતો કરવી

છેતરપિંડીના કેસમાં સામાન્ય રીતે એવું થાય છે કે પતિ પત્ની પર જ વધારે શક કરવાનો આરોપ લગાવીને તેને સંભળાવતો હોય છે. આ દરમિયાન તે ટ્રસ્ટ શબ્દનો ઉપયોગ અનેકવાર કરે છે. વારંવાર આવા મહેણાં પછી પત્ની પોતાને ખોટી માનવા લાગે છે. જ્યારે તે હકીકતમાં સાચી હોય છે.

વારંવાર ચહેરો સ્પર્શ કરવો

વોર્નિંગ સાઈન નામના પુસ્તકમાં એ વાતનો ઉલ્લેખ કરવામાં આવ્યો છે કે જે લોકો ખોટું બોલી રહ્યાં હોય તો તે વારંવાર પોતાનો ચહેરો અડકે છે અથવા તો મોં છુપાવવાની કોશિશ કરે છે.

નકલી સ્માઈલ

સ્માઈલ કરવાનો મતલબ એ હોય છે કે બધું જ ઠીક છે પરંતુ અસલી અને નકલી સ્માઈલમાં ફરક સમજો. વર્ષ 2012માં બ્રિટિશ કોલંબિયામાં થયેલા એક અભ્યાસ અનુસાર ખોટું બોલતા હોય તે દરમિયાન લોકો સૌથી વધારે સ્માઈલ કરે છે. તેઓ ભલે મો પરની સ્માઈલ કંટ્રોલ કરી લે પરંતુ તેમની આંખોમાં જે લાગણીઓ હોય તે છુપી રહેતી નથી.

આંખની કીકી મોટી થવી

એક રિસર્ચ અનુસાર જ્યારે વ્યક્તિ એવું કશુંક કહી રહ્યો હોય જેથી તેના મગજ પર વધારે જોર આપવું પડે તો તેની આંખોની કીકી મોટી થઈ જાય છે. ખોટું બોલવા દરમિયાન વ્યક્તિને અનેક બહાનાઓ વિચારવા પડે છે. જેથી તેની આંખની કીકી મોટી થઈ જાય છે.

પાસે ન બેસવું

જો પતિ ખોટું બોલી રહ્યો હોય તો તે તમારાથી દૂર જ રહેવાનું પસંદ કરશે. ખોટું બોલવા પર લોકો ફિઝિકલ કોન્ટેક્ટથી બચે છે. આ સાથે જ પોતાના ચહેરાના ભાવોને પણ છુપાવવાની કોશિશ કરે છે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2FPAQPM