નવી દિલ્હી:સિમેન્ટ કંપની એસીસીનો સંયુક્ત નફો માર્ચ 2019 ક્વાર્ટરમાં 38.19 ટકા વધીને ₹346.02 કરોડ થયો હતો. કંપનીએ ગયા વર્ષના સમાન ગાળામાં ₹250.39કરોડનો નફો નોંધાવ્યો હતો. માર્ચ 2019 ક્વાર્ટરમાં કંપનીની કુલ આવક અગાઉના વર્ષના સમાન ગાળાની ₹3,671.95 કરોડથી 10.99 ટકા વધીને ₹4,075.71 કરોડ થઈ હતી.
કંપની જાન્યુઆરી ડિસેમ્બરને નાણાકીય વર્ષ ગણે છે. પ્રથમ ક્વાર્ટરમાં એસીસીનો કુલ ખર્ચ અગાઉના વર્ષના સમાન ગાળાના ₹3,299.16 કરોડથી 7.79 ટકા વધીને ₹4,555.84 કરોડ થયો હતો. કંપનીનું સેલ્સ વોલ્યુમ 5.65 ટકા વધીને 7.5 મિલિયન ટન થયું હતું, જે અગાઉના વર્ષના સમાન ગાળામાં 7.1 મિલિયન ટન હતું.
માર્ચ ક્વાર્ટરમાં સિમેન્ટ સેગમેન્ટની આવક 6.85 ટકા વધીને ₹3,587.08 કરોડ થઈ હતી. કંપનીએ જણાવ્યું હતું કે સારા ચોમાસાની આગાહી ગ્રામીણ અર્થતંત્ર માટે સારા સંકેત છે. સરકારના ઇન્ફ્રા પ્રોજેક્ટ્સ પરના ફોકસ અને હાઉસિંગ સ્કીમને કારણે સિમેન્ટની માગને વેગ મળવાની ધારણા છે. એસીસીના શેરનો ભાવ 0.26 ટકા ઘટીને ₹1,657.85એ બંધ આવ્યો હતો.
from Page Array – I Am Gujarat http://bit.ly/2GEcwSv
No comments:
Post a Comment