Avengers Endgame: મહિલાએ ડિલિવરી મુલતવી રાખી, હોસ્પિટલને બદલે થિએટર પહોંચી

ઉત્સાહ સાતમા આસમાને

Avengers Endgame માટે ફિલ્મના ચાહકોનો ઉત્સાહ સાતમા આસમાને છે. ચીનમાં એક મહિલા આ ફિલ્મનો એન્ડ જોઈને એટલું રડી કે હોસ્પિટલમાં દાખલ કરવામાં આવી. લંડનમાં એક મહિલાએ પોતાની ડિલિવરી મુલતવી રાખી દીધી છે. ફિલ્મ જોવા માટે આ મહિલાએ પોતાની ડિલિવરી ડેટને પાછળ ઠેલી નાંખી હતી. ગાર્જિયન અખબારના રિપોર્ટ અનુસાર ક્લૈપટનમાં રહેનારી મહિલા જે પોતાના સંતાનને જન્મ આપવાની હતી.

શું કહ્યું આ મહિલાએ

સ્ટેનફોર્ડ વ્યૂ સિનેમાની બાહર જો એ કહ્યું હતું કે, મારું સંતાન ફિલ્મ રિલીઝના બીજા દિવસે આવવાનું છે પણ મને એ જાણવામાં રસ હતો કે, આ ફિલ્મનો અંત કેવી રીતે થાય છે. હોસ્પિટલનું સેક્શન પણ આપી દેવામાં આવ્યું હતું. પણ અમે Avengers Endgameની ટિકિટ બુક કારવી દીધી હતી. એવામાં ડિલિવરી મુલતવી રાખવામાં આવી. આ ફિલ્મ Avengers Endgame 24 એપ્રિલના રોજ રીલિઝ થઈ હતી.

ચીનમાં બન્યો આવો બનાવ

ચીનમાં આ ફિલ્મ જોયા બાદ મહિલા એટલી ઈમોનલ થઈ ગઈ કે રડવા લાગી અને હાઈપરવેન્ટિલેશનની સ્થિતિ પર પહોંચી ગઈ હતી. તેથી શ્વાસ લેવામાં તેને મુશ્કેલી પડી રહી હતી. તેના હાથ-પગ પણ કામ કરતા બંધ થઈ ગયા હતા. તેથી તેને તરત જ ઓક્સિજન આપવામાં આવ્યું હતું. હાલમાં મહિલાની સ્થિતિ સારી છે અને હોસ્પિટલમાંથી રજા આપી દેવામાં આવી છે. બેંકકોકમાં એક વ્યક્તિને લોકો ઢોરમાર માર્યો હતો કારણ કે, આ વ્યક્તિએ ફિલ્મનું સસ્પેંસ કહી દીધું હતું.

એક દિવસમાં આટલી કમાણી

Avengers Endgame ફિલ્મે ભારતમાં પ્રથમ દિવસે જે 53.10 કરોડ રુપિયાની કમાણી કરી નાંખી છે. ફિલ્મ ઠગ્સ ઓફ હિન્દુસ્તાનનો રેકોર્ડ પણ તોડી નાંખ્યો છે. ઠગ્સ ઓફ હિન્દુસ્તાન 5200 સ્ક્રિન પર રીલિઝ થઈ હતી. જ્યારે આ ફિલ્મ 2800 સ્ક્રિન પર રીલિઝ થઈ હતી. કુલ કમાણીની વાત કરવામાં આવે તો અત્યાર સુધીમાં આ ફિલ્મે 300 મિલિયન ડૉલરની કમાણી કરી લીધી છે. એડવાન્સ બુકિંગની વાત કરવામાં આવે તો ભારતમાં 25 લાખ ટિકિટ બુક થઈ ચૂકી હતી.

 

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2INTdrY