મુકેશ અંબાણીએ અઢી વર્ષ પહેલા ઉભું કરેલું વાવાઝોડું હવે ધીરે-ધીરે શમી રહ્યું છે!

હવે વધશે એરટેલ, વોડાફોનની આવક?

કલ્યાણ પરબત, કોલકાતા: મુકેશ અંબાણીએ Jioના લોન્ચિંગ સાથે ઉભું કરેલું વાવાઝોડું હવે ધીરે-ધીરે શમી રહ્યું છે. Jioના લોન્ચિંગ બાદ છેક 11 ક્વાટર પછી પહેલીવાર વોડાફોન આઈડિયા અને એરટેલની આવકમાં વધારો થાય તેવા અણસાર છે. આ બંને કંપનીઓએ શરુ કરેલા મિનિમમ રિચાર્જ પ્લાન તેમજ યુઝર્સ દ્વારા હાઈ-પ્રાઈઝ્ડ વોઈસ અને ડેટા પેક્સની ખરીદી વધતા તેમની આવક વધી શકે છે.

હવે Whatsapp પર મેળવો તમામ મહત્વના ન્યૂઝ, શરુ કરવા માટે આ લિંક પર ક્લિક કરો

સપ્ટેમ્બર 20176માં લોન્ચ થયું હતું Jio

સપ્ટેમ્બર 2016માં મુકેશ અંબાણીએ Jio લોન્ચ કરીને માર્કેટમાં જોરદાર ઉથલપાથલ મચાવી દીધી હતી. શરુઆતમાં મફતમાં 4G ઈન્ટરનેટ આપી લોકોને તેની આદત પાડી દેનારી Jioએ પાછલા સમયમાં ન માત્ર પોતાના યુઝર્સની સંખ્યા વધારી છે, પરંતુ આવક વધારાની સાથે પ્રોફિટ પણ કર્યો છે. જોકે, અઢી વર્ષના ગાળા બાદ હવે ટેલીકોમ સેક્ટરમાં સ્થિરતા આવે તેવી શક્યતા છે.

Jioને લીધે અનેક સર્વિસ પ્રોવાઈડરના શટર બંધ થઈ ગયા

બેંક ઓફ અમેરિકા-મેર્રિલ લિંચના અહેવા અનુસાર એરટેલ જાન્યુઆરી-માર્ચ 2019ના ક્વાટરમાં પોતાની આવકમાં ચાર ટકાનો વધારો નોંધાવી શકે છે, જ્યારે વોડાફોન આઈડિયાની આવક 1 ટકો વધી શકે છે. Jioના આવવાથી ટેલીકોમ સેક્ટરના મોટા પ્લેયર્સની આવકને ખાસ્સો ફટકો પડ્યો હતો. નાની ટેલીકોમ કંપનીઓના શટર પડી ગયા હતા, અને વોડાફોન તેમજ આઈડિયા જેવી મોટી કંપનીઓએ મર્જર કરી લીધું હતું.

Jio 840 કરોડનો પ્રોફિટ કરે તેવી શક્યતા

જાન્યુઆરી-માર્ચના ગાળામાં Jioની રેવન્યુ 11,210 કરોડ રુપિયા રહે તેવી શક્યતા છે. આ ગાળા દરમિયાન Jioની યુઝર દીઠ આવક 127 રુપિયા તેમજ પ્રોફિટ 840 કરોડ રુપિયા જેટલો રહી શકે છે. બીજી તરફ, એરટેલ 16 વર્ષમાં પહેલીવાર 599થી 1300 કરોડ રુપિયા જેટલી ખોટ નોંધાવે તેવી શક્યતા છે. જાન્યુઆરી-માર્ચના ક્વાટરમાં તેની આવક 10,289થી 10,342 કરોડ રહે તેવી શક્યા છે. જે Jioથી પણ ઓછી છે. જ્યારે વોડાફોન આઈડિયાની આવક આ ગાળામાં 11,882.4 કરોડની આસપાસ રહેવાની શક્યતા છે.

from Page Array – I Am Gujarat http://bit.ly/2YUhbqf