પેટ્રોલ એન્જિનની સાથે આવશે મારુતિ બ્રેઝા

SUV સેગમેન્ટમાં સૌથી વધુ પોપ્યુલર છે મારુતિ બ્રેઝા

નવી દિલ્હી: Maruti Suzuki Vitara Brezza દેશના કોમ્પેક્ટ એસયુવી સેગમેનટમાં સૌથી વધુ પોપ્યુલર છે. માત્ર ડીઝલ એન્જિનમાં ઉપલબ્ધ આ એસયુવીની લોકપ્રિયતામાં હજુ વધારો થઈ શકે છે, કેમકે કંપની તેને પેટ્રોલ એન્જિન સાથે લોન્ચ કરવાની યોજના બનાવી રહી છે. રિપોર્ટસમાં દાવો કરાયો છે કે, મારુતિ બ્રેઝામાં પણ સિયાઝ અને અર્ટિગામાં અપાયેલું 1.5 લીટર, 4-સિલિન્ડરવાળું પેટ્રોલ એન્જિન હશે. સાથે જ તેમાં સુઝુકીની સ્માર્ટ હાઈબ્રિડ ટેકનોલોજી પણ આપવામાં આવે તેવી શક્યતા છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સૌથી પહેલા સિયાઝમાં અપાયું હતું આ એન્જિન

મારુતિ સુઝુકીએ 1.5 લીટરવાળું આ પેટ્રોલ એન્જિન સૌથી પહેલા ગત વર્ષે મારુતિ સિયાઝમાં આપ્યું હતું. કંપનીએ તેની જગ્યાએ જૂના 1.4 લીટરવાળા એન્જિનને રિપ્લેસ કર્યું હતું. 1.5 લીટરવાળું પેટ્રોલ એન્જિન 103 બીએચપીનો પાવર અને 138 Nm ટોર્ક જનરેટ કરે છે. બ્રેઝામાં આ એન્જિન 5-સ્પીડ મેન્યુઅલ અને 4-સ્પીડ ઓટોમેટિક ટ્રાન્સમિશનની સાથે આવી શકે છે.

પહેલા બલેનો આરએસ જેવું એન્જિન આપવાનું હતું

રિપોર્ટસ મુજબ, પહેલા મારુતિ સુઝુકી પ્રીમિયમ હેચબેક બલેનો આરએસમાં અપાયેલું 1.0 લીટર, બૂસ્ટર જેટ પેટ્રોલ એન્જિન બ્રેઝામાં આપવાનો વિચાર કરી રહી હતી. પણ, મારુતિ બ્રેઝામાં આ એન્જિન મોંઘું પડત અને ઓછી માઈલેજ આપત, જે કારણે કંપનીએ આ એન્જિનને બ્રેઝામાં ન આપ્યું.

પેટ્રોલવાળી બ્રેઝા હશે મોંઘી

જોકે, 1.5 લીટર પેટ્રોલ એન્જિનની સાથે આવનારી બ્રેઝા તેની પ્રતિસ્પર્ધી કારોની સરખામણીમાં મોંઘી હશે. એવું એટલા માટે કે, 4-મીટરથી નાની કારોમાં 1,2000સીસીથી ઓછું એન્જિન હોવા પર ટેક્સમાં છૂટ મળે છે. મારુતિનું આ 1.5 લીટર પેટ્રોલ એન્જિન 1462સીસીનું છે.

ડીઝલ એન્જિન પણ બદલી રહી છે કંપની

બીજી તરફ મારુતિ પોતાની કારોમાં આપવામાં આવતા 1.3 લીટર ડીઝલ એન્જિનને પણ નવા 1.5 લીટર એન્જિન સાથે રિપ્લેસ કરી રહી છે. 1.3 લીટરવાળું ડીઝલ એન્જિન કંપની ફિયાટ પાસેથી લે છે, જ્યારે નવું 1.5 લીટર ડીઝલ એન્જિન મારુતિએ ઈન હાઉસ ડેવલપ કર્યું છે. બ્રેઝામાં આ નવું ડીઝલ એન્જિન આ વર્ષના અંત સુધીમાં સામેલ કરી શકાય છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – I Am Gujarat http://bit.ly/2IBJAff