મારુતિ બ્રેઝાને ટક્કર આપવા Hyundaiની નવી કૉમ્પેક્ટ SUV, આ દિવસે થશે લોન્ચ

Hyundai Venue પરથી ઊંચકાયો પડદો

મુંબઈ: SUV સેગમેન્ટમાં વર્ચસ્વ જમાવવા હ્યુંડાઈ ઈન્ડિયા મિનિ ઓફ-રોડર ‘વેન્યૂ’ કાર માર્કેટમાં ઉતારવા માટે તૈયાર છે. 21મેથી આ કાર તમને દેશના રસ્તાઓ પર દોડતી જોવા મળશે. Venueને હ્યુંડાઈ ક્રેટાના સેગમેન્ટમાં ઉતારવામાં આવશે અને આ કારની સ્પર્ધા મારુતિ બ્રેઝા, ટાટા નેક્સન અને ફોર્ડ ઈકોસ્પોર્ટ સાથે રહેશે. હ્યુંડાઈ ઈન્ડિયાના નવા MD અને ચીફ એક્ઝેક્યુટિવ એસ. એસ. કીમે કહ્યું, “ભારતનું માર્કેટ કંપની માટે વિશ્વભરમાં સૌથી વધુ મહત્વ ધરાવે છે. અહીં નવા રોકાણ અને નવા મોડલ લોન્ચ કરતાં જ રહીશું સાથે મિનિ ઈલેક્ટ્રીક વાહનો પણ લોન્ચ કરાશે.”

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

‘ભારતીય માર્કેટમાં સફળ રહેશે વેન્યૂ’

#HyundaiVENUE, First Made-in-India Connected SUV Unveiled. pic.twitter.com/TGqs9Zhwhr

— Hyundai India (@HyundaiIndia) April 17, 2019

અમારા સહયોગી TOIને કીમે જણાવ્યું, “અમને વિશ્વાસ છે કે વેન્યૂ ભારતીય માર્કેટમાં સફળ રહેશે. આ સાથે જ હ્યુંડાઈ ભારતમાં સૌથી મોટું SUV વિક્રેતા બનવા માગે છે. આ સેગમેન્ટમાં તીવ્ર સ્પર્ધા અંગે કંપની સજાગ છે, જેનું માસિક વેચાણ 25,000-26,000 યુનિટ્સ છે અને ગયા વર્ષે 25% વધારો થયો.” કોરિયન કંપની હ્યુંડાઈ ગાડીઓના ઉત્પાદન માટે નવી ફેક્ટરી સ્થાપવાનું વિચારી રહી છે કારણકે નવી કારના લોન્ચ સાથે ઉત્પાદન ક્ષમતા પર તાણ પડશે.

ડીઝલ અને પેટ્રોલ એન્જિન ઓપ્શન

કીમે કહ્યું, “વેન્યૂ હ્યુંડાઈનું મહત્વાકાંક્ષી વાહન છે. અમે ટેક્નોલોજી, સુરક્ષા અને કનેક્ટિવિટી પર વધુ ધ્યાન આપીશું.” નવી વેન્યૂમાં બે એન્જિન ઓપ્શન હશે. 1 લિટર અને 1.2 લિટરનું પેટ્રોલ એન્જિન અને 1.4 લિટરનું ડીઝલ એન્જિન છે. કીમના તેઓ 16-17 ટકાથી વધુ હિસ્સો માર્કેટમાં મેળવવા માગે છે.

7000 કરોડ રૂપિયા નવા પ્રોજેક્ટ પાછળ લગાવ્યા

કીમે જણાવ્યું, “અમે વોલ્યૂમ પાછળ નથી ભાગતા પણ અમારી નવી પ્રોડક્ટની સ્વીકૃતિ અહીંથી અમારો વિકાસ નિર્ધારિત કરશે.” 2018-19માં કંપનીએ ભારતમાં 5.5 લાખ વાહનો વેચ્યા. આ સમયગાળામાં કંપનીનો વૃદ્ધિ દર 2 ટકા વધ્યો. હ્યુંડાઈ ઈલેક્ટ્રીક વાહનો સહિત નવી પ્રોડક્ટને વિકસાવવા તેમજ લોન્ચ કરવા પાછળ 7000 કરોડ રૂપિયા ખર્ચવાની છે. હ્યુંડાઈ સેન્ટ્રો અને i10માં પણ ઈલેક્ટ્રીક વર્ઝન આવશે કે કેમ તે અંગે કીમે જણાવ્યું, આ વિશે વિચારણા થઈ શકે છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – I Am Gujarat http://bit.ly/2VZZq72